ARTIKEL

KULLIN DJAYANG

Perintah digerah nyendia bungkur internet meruan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Serakup Pengajar Sarawak (STU) ngerah opis menteri bekaul matau bungkur internet ba selampur menua kelebih agi ba sitak menua pesisir enggau menua ulu.

Presiden STU, Kullin Djayang madah, pekara nya beguna amat ba sukut pelajar kemaya hari tu kelebih agi sekula menua pesisir enggau menua ulu ti randaka bungkur internet meruan.

Ku iya, kebuah pia laban bala pengajar endang begunaka bungkur internet meruan dikena nyendia data enggau rikod.

“Pengajar mega begunaka bungkur internet meruan dikena ngatur aum, latih sereta pengawa ngajar enggau belajar (PdP) ti ngasi agi,” ku iya.

Kullin mansutka jaku nya dikena nimbal inisiatif Menteri Komunikasyen enggau Digital, Fahmi Fadzil ti nyendia rebet postpaid RM10 sebulan ngagai orang ti gawa perintah berengkah ari 31 Ogos tu tadi.

“Tu siti berita manah lalu STU nerima manah inisiatif tu laban ulih mantu orang ti gawa perintah kelebih agi bala pengajar ngelempungka tating belanja sida dikena mayar servis internet ninting bulan.

“Nya kebuah STU suah amat mantaika perambu ngagai perintah enggau Opis Menteri Pelajar ngambi nyendia bantu tauka subsidi internet ti engkeman ngagai bala pengajar.

“Kebuah pia laban ninting hari bala pengajar begunaka internet dikena bejalaika pengawa lalu ungkus meli servis internet pen mar sereta ditanggung sida empu,” ku iya.

Nya alai, ku iya, STU ngerah perintah matau enggau nyendia bungkur internet meruan ba selampur menua kelebih agi ba menua pesisir enggau menua ulu kelimpah nyendia insiatif meri rebet.

Iya madah, opis menteri bekaul patut nyendia bungkur internet ti meruan ngagai semua rayat enda ngira dini endur sida diau.

“Nama guna perintah meri data internet tang nadai nyendia bungkur internet ti meruan,” ku iya nyemetak.

Tandu iya, nya kebuah perintah patut betati sereta mutar pekara nya enggau meruan ke pemaik rayat.

BERITA LAIN

Sibu tuai rumah Sarawak Agrofest 2025

BINTULU: Sibu udah dipilih nyadi tuai rumah Sarawak Agrofest ba taun baru. Menteri Industri Pemakai, Komoditi enggau Pemansang Wilayah Sarawak, Datuk Sri Dr. Stephen Rundi

88 chalun STPM Sarawak bullh PNGK 4.0

INDUN SILONGsuarasarawak.sv@gmail.com KUCHING: Nengeri Sarawak ngerikod Purata Nilai Gred (PNGK) pemutus peresa Sijil Tinggi Persekolahan Malaysia (STPM) 2023 penyampau 2.69 enti dibanding PNGK STPM 2022

BERITA TERBARU

Kejohanan catur uji kepantasan berfikir

KUCHING: Seramai 80 peserta menyertai Kejohanan Catur Pantas H&L yang dianjurkan oleh Kelab Prihatin Belia Bandaraya Kuching dengan kerjasama Persatuan Catur Negeri Sarawak di Eco

Sarawak punyai keupayaan simpan karbon

KUCHING: Petroleum Sarawak Berhad (PETROS) melancarkan Pusingan Bidaan Sarawak (SBR) 2024, satu inisiatif utama yang bertujuan memanfaatkan geologi tersendiri Sarawak untuk Penangkapan, Penggunaan dan Penyimpanan

Empat pasukan buru gelaran juara Piala FA Serian

SERIAN: Saingan peringkat separuh akhir kempen Piala FA Serian berlangsung Ahad ini (28 Julai). Sekali gus, menyaksikan pertembungan hebat empat pasukan handalan dalam mengintai tiket