KUALA LUMPUR: Perintah enda mantaika baru Chukai Barang enggau Servis (GST) sereta chukai penguna pemun ti bukai dikena mutarka utang menua.

Menteri Besai, Datuk Seri Anwar Ibrahim madah, raban sida deka neritka subsidi ngagai raban orang kaya sebaka enggau subsidi kuasa karan.

“Baka ti dipadah aku sebedau tu, taja pen perintah sebedau tu nguji deka nikika bil kuasa karan tang perintah ti diatu deka matak baru perambu tu.

“Taja pia, perambu tu deka dipejalaika ngagai raban T20 (raban orang ti ngembuan penatai pemisi 20 pemadu atas) baka serikat mayuh guna nasional (MNC) enggau serikat besai bukai kelimpah ari serikat bekaul pengelikun pemakai,” ku iya.

Anwar mansutka jaku nya rambau Aum Dewan Rakyat kemari dikena nyaut tanya tambah sekalika perintah merambu deka mantaika chukai baru dikena mutarka tating utang menua.

Anwar ke mega Menteri Pekara Wang madah, atur sebaka udah dipejalai ba subsidi diesel sebedau tu.