Perintah nyendia infrastruktur ungkup pedagang

Kitai numbuhka tiga palan dagang ba Singapore, Pontianak (Indonesia) enggau Brunei ngambika produk ari pedagang menua tu ulih rembus ngagai makit entarabansa.

KUCHING: Perintah Sarawak benung nyendiaka infrastruktur ngagai bala pedagang menua dikena ngemansangka dagang sida.

Kepala Menteri Datuk Patinggi Abang Johari Tun Openg madah taja Perintah Sarawak nyendiaka mayuh perengkaguna tang agi bepanggai ba pedagang ngambi ngerebut peluang ngerembaika produk sida,.

Kitai numbuhka tiga palan dagang ba Singapore, Pontianak (Indonesia) enggau Brunei ngambika produk ari pedagang menua tu ulih rembus ngagai makit entarabansa.

Tiga palan dagang tu ditumbuh ngambika produk ari Sarawak dijual terus ngagai makit entarabansa,�ku Abang Johari.

MANTU PEDAGANG…Abang Johari (kiba) enggau bala pemesai ngabas palan eksibisyen ke bisi dibuka beserimbai enggau Seminar Hari Eksport Sarawak ba sebuah hotel tebilang, ditu kemari.-Gambar Nadim Bokhari

Iya mansutka jaku nya lebuh Seminar Hari Eksport Sarawak ba sebuah hotel tebilang, ditu kemari.

Abang Johari mega madah, Perintah Sarawak benung ngemanah peneras rentayan internet dikena ngerembaika pengawa dagang ngagai mensia mayuh.

Dikena ngepunka pengawa tu, kitai nyendiaka rentayan internet nengah Brunei enggau Hong Kong.

Rentayan internet tu inisiatif kitai mantu komuniti dagang ba Sarawak lalu aku arapka bala pedagang pintar ngerebut peluang nya,ku iya madah nyemetak.

Nambahka nya ku iya, iya bisi ngaga portfolio palan penyangkai kapal ti nyadi perengkaguna diguna ba pengawa dagang lebuh ngubah tusun kabinet.

Berebak enggau nya, kitai merambu ngemanah palan penyangkai kapal dipegai Perintah Sarawak ba Kuching, Miri, Rajang enggau Tanjung Manis ngena sistem komputer.

Nya alai, kitai deka mansik baru Ordinan Pelabuhan ngambika pengawa ngemanah nadai besibil enggau atur nya, ku iya nerang silik.

Abang Johari mega bisi pengandal Sarawak deka nyadi sebagi ari pemansut pemakai pengudah numbuhka palan ngumpul pemakai ari Betong ngagai Sarikei.

Sama datai Sapit Kepala Menteri Datuk Amar Awang Tengah Ali Hasan ti mega Menteri Dagang Entarabansa enggau Industri, Terminal enggau Pemansang Orang Dagang sereta Menteri Pemansang Mengeri enggau Pengeraja Asal Kedua