ARTIKEL

MIRING… Tiong (tengah) begulai enggau ADUN Jepak, Iskandar Turkee (kiba) bejalaika pengawa miring rambau Pengerami Ngiling Bidai ba Rumah Musis Bundung Bala, Jalai Samarakan ditu, Hari Enam tu tadi.

Perintah Sarawak deka terus nagih hak Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTULU: Perintah Sarawak deka terus nagih hak enggau guna rayat Sarawak seraris enggau Sempekat Malaysia 1963 (MA63).

Menteri Dagang Temuai, Seni enggau Budaya, Datuk Seri Tiong King Sing madah, Perintah Sarawak ti betuai ke Premier Sarawak, Datuk Patinggi Tan Sri Abang Johari Tun Openg endang meri perati ngagai semua etnik, pengarap enggau budaya.

Iya madah, Premier Sarawak angkun narak semangat penyerakup enggau bebasaka pangan diri ngagai semua rayat ba nengeri tu.

“Nya alai, aku deka ngelalau mensia mayuh ba luar dia ngambi enda ngena sentimen etnik enggau pengarap mambarka rayat ba nengeri tu.

“Sebedau kita ngereja pekara nya, uji kita berundingka rayat enggau menua dulu. Pia mega, pengawa betampil entara budaya ukai pekara ti baru nyadi ba rayat ba menua tu.

“Enti kitai enda ulih nyaga sensitiviti entara etnik, baka ni kitai deka idup lantang?” ku iya.

Tiong mansutka jaku nya rambau ngulu Pengerami Ngiling Bidai ba Rumah Musis Bundang Bala, Jalai Samarakan ditu, Hari Enam tu tadi.

Iya ti mega Kaban Parlimen Bintulu enggau Kaban Kunsil Nengeri (ADUN) Dudong pechaya semangat ruang bilik Sarawak ulih nyadi chunto ngagai rayat ba Semenanjung Malaysia.

Ambi ke chunto, ku iya, pengelantang ba rumah panjai kitai ulih meda semua etnik idup begulai enggau pangan diri ba baruh siti perabung enda ngira penatai sida.

“Tu siti chunto pemadu manah dikena kitai meretika pemesai guna penyerakup enggau ulah ti bebasaka pangan diri.

“Penteba baka tu meh ti deka nempa Malaysia nyelai ba mata dunya lalu ngujung ke sida masa adat enggau budaya ti bebida ba menua tu,” tampung iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Perdana Menteri China akan lawat Malaysia

KUALA LUMPUR: Perdana Menteri China Li Qiang akan mengadakan lawatan rasmi tiga hari ke Malaysia dari Selasa hingga 20 Jun. Ini merupakan lawatan pertamanya ke