ARTIKEL

Perintah Sarawak ngaku hak rayat ba tanah NCR

Facebook
Twitter
LinkedIn
WhatsApp
Telegram

LUNDU: Perintah Sarawak deka seruran ngaku enggau ngetanka hak rayat ba Tanah Adat Bansa Asal (NCR) enti peminta nitih undang-undang.

Kaban Kunsil Nengeri (ADUN) Tanjong Datu, Azizul Annuar Adenan madah, bisi 1,114 surat pala tanah ngena Seksyen 18 Kanun Tanah Negeri ti udah diberi ngagai enam genturung mungkur tanah 1,260.49 hektar pemesai.

Ku iya, surat pala tanah nya diberi nengah program nyukat Tanah NCR Inisiatif Baru sitak DUN Tanjong Datu naka 10 November 2023.

“Program Nyukat Genturung Pendiau Asal agi dipejalai dikena ngaku genturung pendiau ti udah lama bisi sekalika ba menua ti udah digazet nyadi Rizab Komunal Bumiputera tauka empai.

“Naka diatu, bisi 2,336 lot rumah ba genturung pendiau kena pegai Sitak DUN Tanjong Datu udah disukat.

“Ari penyampau nya, bisi 2,020 lot udah diberi surat pala tanah ngena Seksyen 18 Kanun Tanah Negeri lalu entara tanah mega udah digaga.

“Nya kebuah nadai diri sebala tauka menyadi ulih betalatka sapa bagi ngempu tanah nya kebendar,” terang iya.

Azizul bejaku munyi nya lebuh Pengawa Nyuara Gazet Rizab Komunal Bumiputera Seksyen 6 Kanun Tanah Negeri enggau Surat Pala Tanah Seksyen 18 Kanun Tanah Negeri ungkup Pelilig Lundu enggau Sematan ti dipenyadika Sapit Premier Sarawak, Datuk Amar Awang Tengah Ali Hasan ba Balai Komuniti Lundu tadi.

Iya madah, pengawa nyuaka surat pala tanah NCR nya mandangka sukung enggau pengandal diberi rayat ba Program Nyukat Tanah NCR nengah inisiatif baru nya.

“Pia mega timbal ba Program Nyukat Genturung Pendiau Asal ti dipejalaika perintah mega chukup manah,” ku Azizul.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU