ARTIKEL

NYUA… Fazzrudin nyuaka ketupi enggau apron ngagai siku pedaja ba Bazar Ramadan Emart Matang ditu, ensanus. | GAMBAR MOHD ALIF NONI

Perintah Sarawak ngambi pengereja opis perintah nitih skim JBC ti deka dipejalai taun tu

Facebook
Twitter
LinkedIn
WhatsApp
Telegram

KUCHING: Perintah Sarawak deka ngambi pengereja opis perintah ti baru ba Sarawak ungkup Pangku Pengawa Ngena Duit Simpan (JBC) taun tu ti nyendia untung besai agi ngagai bala penyimpan.

Tuai Skretari Politik Premier Sarawak, Fazzrudin Abdul Rahman madah, bala penyimpan dipelaba deka nerima untung ti besai agi ari skim pinchin ti endang udah bisi.

“Kededua skim tu, pinchin enggau Gerempung Wang Turu Pengereja Pengawa (KWSP) ngembuan pengelebih kediri empu lalu KWSP bepanggai ba prestasyen pengawa beranakka puku sida.

“Nya alai, aku nerima manah perambu Perintah Sarawak tu laban pemadu beguna iya nya penguntung tauka pemaik ungkup bala penyimpan,” ku iya.

Fazzrudin mansutka jaku nya rambau dirandau bala pemberita pengudah bejadi Bazar Ramadan Emart Matang ditu, ensanus.

Kaban Kunsil Nengeri (ADUN) Tupong nya madah, bisi peminta ungkup pengereja opis perintah ti diambi gawa ba baruh skim JBC pintar ngatur pekara wang pengudah pinchin jemah.

“Kitai patut ngatur pekara wang enggau silik. Taja pen KWSP ngemendar pengawa ngeluarka duit pengudah pinchin tang nya bepanggai ba pemintar raban nya ngatur duit diri empu.

Baca lain  Nadai raban dikelaung ari agenda digital menua

“Enti nyau beabis duit pinchin dalam sehari aja…tu pen enda tau…kitai meseti pintar ngatur pekara wang diri empu,” ku iya.

Sebedau tu, Sekretari Perintah Sarawak, Datuk Amar Mohamad Abu Bakar Marzuki madahka semua pengereja opis perintah Sarawak deka diambi ba baruh skim JBC berengkah ari taun tu.

Nya mai reti sida deka nyimpan ba skim bepinchin KWSP sereta enda nerima duit pinchin ninting bulan ari perintah pengudah sida pinchin jemah.

Taja pia, pengereja opis perintah bela nerima semua pemaik bukai baka sida ba skim pinchin lalu nya mungkur sukut berubat pechuma, niki pangkat enggau mayuh agi ti bukai.

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh