KUCHING: Penginjau ti udah mayar 30 peratus ari pinjau Opis Wang Turu Pelajar Tinggi Nasional (PTPTN) ulih nerima insentif Perintah Sarawak ngambi nembuka 30 peratus pinjau sida.
Direktor Yayasan Sarawak, Azmi Bujang madahka inisiatif beungkus RM30 juta nya deka meri pemaik ngagai 9,643 penginjau ngagai anak Sarawak.
“Nangkan nya, bala nembiak ke bedau mayar abis nadai 30 peratus dipinyar mayar pinjau sida ngambi ngasaika inisiatif tu.
“Inisiatif nya semina ungkup nembiak ti udah mayar abis nadai 30 peratus pinjau enggau Yayasan Sarawak deka mayar 30 peratus ari laluh pinjau sida,” ku iya nerang ba aum pemberita, ditu tadi.
Ku Azmi, Perintah Sarawak nengah Yayasan Sarawak udah setuju enggau siti formula ti deka dikena mantu mayar pinjau nembiak Sarawak ari PTPTN.
Perintah Sarawak nyaup mayar 30 peratus pinjau PTPTN
