Perintah Sarawak ransing mantu raban B40

DALAT: Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit Datuk Seri Fatimah Abdullah madah, Perintah Sarawak deka terus ransing mantu rayat kurang penatai pemisi.
Fatimah madahka, perintah deka mantu nyeleti rumah sida kelimpah ngemuntangka juluk peranak nengeri tu ti deka bulih rumah baru.

Nengah penerang ke dipejalai piak Kaunsil Pemansang Pengawa Berumah (HDC) ba Dalat Hari Satu tu tadi, iya madahka rayat patut dibantu kelebih agi raban B40.

Berebak enggau nya, Perintah Sarawak deka terus nyeleti rumah rayat ke patut nengah skim bantu ti disediaka Perintah Sarawak.

“Belanja baka nimbuk tanah deka dipelanja perintah Sarawak baka ba endur pengentap baru di Dalat ke suah ampuh endang patut ditimbuk.

“Pia mega, peranak mayuh enda ulih mayar sida ke ngereja pengawa nimbuk tanah tu laban begunaka belanja besai.

“Enti dibanding rumah suba enggau diatu, ungkus chukup besai diguna.

“Pekara tu ngujungka Kepala Menteri ukai semina deka meri perati ngagai rayat ke mesekin tang mega deka mantu ruang bilik ti bepenatai pemisi RM3,000 ke baruh,” ku iya.

Fatimah mansutka jaku nya rambau Licha Program Pengawa Berumah diatur HDC, apin lama ke udah.