ARTIKEL

CHIRU… Ai sungai ba Perrez Riverside endang chiru, chelap enggau nyamai alai mandi. – GAMBAR PERREZ RIVERSIDE

Perrez Riverside palan manah alai bemarin

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PELILIH Padawan chukup tebilang enggau palan ngelantang ati bepelasarka rampa menua lalu siti ari palan nya baka Perrez Riverside.

Perrez Riverside bepalan ba Jalai Puncak Borneo urung 52 kilometer (km) tauka sejam dua minit penyauh ari mengeri Kuching enggau 34 km tauka 37 minit penyauh ari Kota Padawan.

Mensia mayuh kelebih agi bala apai indai ti deka mai anak sida mandi sungai lalu Perrez Riverside meh palan ti engkeman ti patut ditapatka sida.

Nya alai, kena meh peluang berega nyerumba kemisi sekula enggau ujung minggu dikena ngedut pemanah kaul enggau diri sebilik, bala bakih enggau orang dikesayau kitai.

Ba Perrez Riverside, bemacham aktiviti ulih dipejalaika kitai kelimpah ari mandi sungai baka bemarin, manggang enggau ti bukai.

Nyema enggai bemalam, kita ulih napatka palan nya pulai hari aja lalu jam operasyen ungkup pulai hari iya nya ari pukul 9 pagi nyentuk 6 lemai aja.

Perrez Riverside dibuka ngagai mensia mayuh ninting Hari Enam enggau Hari Minggu tang Hari Satu nyentuk Hari Lima semina dibuka ngagai sida ti udah nempah tumu ngena chara beraban tauka 10 iku enggau lebih ari nya.

Palan tu bisi nyendiaka tanju ti digaga ari batang buluh alai masang langkau dunju (tent) kelimpah fasiliti agu enggau bilik mandi ke pemaik bala pengusung.

Bayar tama ngagai Perrez Riverside ungkup orang besai tuai iya nya RM5 siku lalu pechuma ungkup nembiak mit ti beumur enam taun enggau biak agi ari nya.

Pia mega, bayar suwa taba langkau dunju enti pulai hari aja iya nya entara RM35 nyentuk RM50 bepanggai ba pemesai taba nya.

Taja pia, bayar suwa taba langkau dunju enti bemalam entara RM50 nyentuk RM80 lalu nya bepanggai ba pemesai taba nya sereta bayar bemalam iya nya RM10 ungkup siku orang tang nembiak beumur enam taun enggau biak agi ari nya endang pechuma.

Nangkan nya, palan nya bela nyendia palan manggang enggau bayar RM10 ungkup siti taba lalu suwa speaker ti ulih dibai mindah kin kia iya nya RM80 ungkup timpuh empat jam.

Mensia mayuh ti deka nemu silik bekaul Perrez Riverside, servis disedia, nempah tumu tauka ngaga bayar diperansang betelefon terus ngagai Mae Mae ba lumur 012-3698573 tauka 011-65091711 tauka ngelawa terus Facebook Perrez Riverside.

GAGA… Tuchum manis bala nembiak mit mandangka sida gaga enggau lantang ati mandi ba sungai ba Perrez Riverside – GAMBAR PERREZ RIVERSIDE
MAYUH PEMAIK… Perrez Riverside ukai semina lantang endur mandi tang meri peluang ngagai pengusung nimpai pemeresi enggau pemanah rampa menua gadung. – GAMBAR PERREZ RIVERSIDE
PENELEBA MANIS… Ba Perrez Riverside, pengusung ulih ngasaika peneleba bemalam ba kampung ti ngembuan penyelai kediri empu. – GAMBAR PERREZ RIVERSIDE
LANTANG ATI… Bemacham aktiviti ulih diatur ba Perrez Riverside baka mandi sungai, manggang, karaoke enggau ti bukai. – GAMBAR PERREZ RIVERSIDE

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Hari Wesak disambut meriah seluruh negara

KUALA LUMPUR: Hari Wesak disambut meriah di seluruh negara dengan ribuan penganut Buddha memenuhi tokong di negeri masing-masing sejak awal pagi ini. Di Kuala Lumpur,