Pesakit ke-100 nerima katil

SARIKEI: Siku agi pesakit raya nerima bantu katil ulih dikinsit ari Adun Repok, Dato’ Sri Huang Tiong Sii.

Ungkup penerang, tu pesakit ke-100 nerima bantu ke sama ari Adun nya naka sehari tu.

Bong Siew Lan, 73 taun, ari Taman Nyelong ke enda dapat angkat kenyau ari beberapa taun ke udah lalu diatu diibun enggau dijaga sida sebilik.

Lebuh nerima berita sinu tu, Tiong Sii berumban ngasuh bala staf Palan Servis Repok ngesah enggau nganjung bantu diguna ini nya.

“Kitai berasai gaga laban ulih mantu ini tu enggau sida sebilik laban kitai nemu enti deka meli katil khas ungkup pesakit ukai mudah.

“Ari nya kitai ngarapka bantu tu ulih nyaup ngelempungka tating belanja sida sereta ungkup pengelantang ini ke sakit,” ku pengari Tiong Sii ngagai Suara Sarawak.

Suara Sarawak