ARTIKEL

Pesakit riman ba menua pesisir enda dikelaung

Facebook
Twitter
LinkedIn
WhatsApp
Telegram

KUCHING: Menteri Pemansang Indu, Nembiak Mit enggau Pengelantang Komuniti, Datuk Seri Fatimah Abdullah nyemetak ngemerat pemesai guna mutar atur ti enda sebela ba pengawa ngubat penyakit riman ba Sarawak.

Iya mansutka pekara nya laban 50 peratus peranak Sarawak diau ba menua pesisir lalu ngujung ke sida napi penanggul ngulihka servis berubat.

“Pekara tu ngujung ke pesakit nujah pejalai ti jauh enggau kos ti besai dikena ngulih servis berubat.

“Nya alai, peranak ti diau ba entigis menua tu enda patut dikelaung lalu sida patut nerima peluang sebaka ba program beperesa enggau berubat baka peranak ba mengeri,” ku iya.

Fatimah mansutka jaku nya rambau Program Bejadi Dokumen Ngerapit Takah Ngintu ba Palan Sukung Sosial Komuniti (CSSC) Jalai Abell ditu, malam ensanus.

Pia mega, ku iya, Perintah Sarawak bebendar mutar takah ba pengawa nyaga penyakit riman nengah reformasyen pengerai enggau ngemerat tiga pekara besai.
Tiga pekara besai nya nyengkaum Tumu Agi Manah Agi, Nadai Pesakit Dikelaung sereta Nentu Pengawa Berubat Penyakit Riman Nerima Agih Belanja ti Engkeman.

Dikena mutar penanggul nya, Fatimah madah, SCAN udah ngelanchar program pelajar penyakit riman sereta chakah mungkur peranak ba mengeri enggau menua pesisir.

“Nengah pengawa mai raban profesional pengerai ngagai entigis menua ba Sarawak, kitai ngarap ulih nyingkang ngagai pengawa ngintu bepelasar ke pesakit,” ku iya.

“SCAN mega chakah ngerikod kisah senentang penusah ditapi pesakit tu nengah filem sereta ngarap bala penengkebang polisi ulih meda pemar ditapi raban nya ti diau di entigis menua,” ku iya.

Fatimah mega besemaya deka mai pekara nya ngagai pemesai perintah lalu madah ngagai sida pasal pemar ti ditapi raban nya.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Sarawak berada di depan transformasi digital

SEPANYOL: Sarawak berada di barisan hadapan dalam transformasi digital sekali gus memanfaatkan teknologi untuk memacu inovasi dan produktiviti merentasi pelbagai industri. Menurut Menteri Utiliti dan