ARTIKEL

Philomena bulan September bekejang ke Maldives

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Atlit gumpal isi menua, Philomena Dexclyn Siar ngaku pengerekai penyakit Covid-19 ke majak nambah ngachau penyikap iya ngagai Pekit Gumpal Isi enggau Tubuh Lumba Asia laban palan latih gimnasium ditutup.

Pemenang midul priak Pekit Gumpal Isi Entarabangsa (Women’s Model Physique) di Yangoon Myanmar nya madah, atur nutup palan latih
gimnasium ketegal pengerekai pandemik Covid-19 balat ngachau penyikap iya belatih.

“Awak nyikap diri tinggal beberapa bulan agi. Aku ngarapka semua pekara ulih dikemujur.

“Taja pia, aku beterima kasih ngagai Petara laban diatu semina tinggal nyikap diri ari sukut ngemanahka gumpal isi, utai bukai endang udah sedia magang,” ku iya maya dirandau Suara Sarawak kemari.

Berebak enggau nya, ku iya pelin kedua tetap bisi enti kes Covid-19 majak nambah lalu palan nya mengkang ditutup, iya agi ulih ngetanka penguat diri ungkup pekit nya.

Diatu semina belatuh ba rumah lalu nguna kengka keresa ke dikembuan diri dikena ngetanka pendiau tubuh diri.

Ku iya, mayuh pekara patut diatur enti belatih ba rumah sebedau bekejang ke Pulau Maldives ke semina tinggal tiga bulan agi.

Pekit Gumpal Isi enggau Tubuh Lumba Asia ditaga diatur kena bulan September tu ila.

Philomena Dexclyn Siar

BERITA LAIN

BERITA TERBARU