Pinchin seringgit sigi patut dipejalai – Cuepacs

KUCHING: Serakup Orang Gawa Perintah (Cuepacs) tauka CNS nyukung perambu neritka baru atur diketu gawa tauka pinchin seringgit ngagai pegawai enggau raban Polis DiRaja Malaysia (PDRM) ti ditemu ngereja penyalah makai suap.

Pekara nya kala diterit lebuh dipegai ex-Ketuai Polis Menua (KPN) Tun Mohammed Hanif Omar.

Chairman CNS, Ahmad Malie madahka sida enggai belembut pasal isu makai suap enggau nyukung penuh pengawa neritka atur ngagai orang gawa perintah ti ngereja penyalah nya nadai ngira pangkat iya.

“Pia mega, kami (CNS) merambu pengawa neritka atur pasal penyalah makai suah tu mesti fokus ngagai sida ke deka nyuap duit lalu ukai penerima aja.

“Lebuh bejalaika atur ti sebela baka tu, kami pechayaka atur nya lurus ati laban bela diterit undang-undang,” ku iya madah ngagai Suara Sarawak.

Iya nyemetak madahka statistik orang gawa perintah ngereja penyalah isu makai suap nya isu mit aja dibanding pemayuh tubuh orang gawa perinath.