ARTIKEL

SYAKIRAH BUKERI

Pintar magi awak kunchi penyulut Syakirah Bukeri ba peresa SPM 2023

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BETONG: Pintar magi jam belajar nyadi kunchi penyulut siku nembiak Sekula Sekondari (SMK) Spoah bulih pemutus peresa 8A ba Sijil Pelajaran Malaysia (SPM) 2023.

Nembiak nyulut, Syakirah Bukeri, 18, madahka diri nadai nyangka bulih pemutus peresa SPM 2023 ti nyulut baka nya.

Iya madah, ngelama tu iya semina nagit bulih 5A ba peresa nya tang rambau ngambi pemutus peresa nya kemari iya balat tekenyit sereta gaga laban pemutus peresa iya ngelui ari tagit.

“Aku enda nyangka sekali tau bulih 8A laban ngelama tu aku semina nagit 5A aja lalu udah tentu aku gaga enggau beterima kasih.

“Berasai lantang laban mujur ngemegahka bala pengajar enggau apai indai nengah pemutus peresa diulih aku tu,” ku iya rambau dirandau Suara Sarawak kemari.

Iya madah, kunchi ngagai penyulut nya meseti pintar magi awak diri entara belajar enggau bejalaika aktiviti sosial ninting hari.

Ninting hari, iya magi awak diri abis nadai tiga jam belajar kediri empu pasal topik ti udah dipelajar ba kelas lalu naka ulih meretika topik nya.

Ba maya bukai, iya bejalaika pengawa diri ninting hari baka mantu indai ba rumah sereta begulai enggau bala bakih.

“Aku rindu agi belajar kediri muak ke malam laban maya nya sunyi, chelap enggau nemban alai belajar.

“Pengeransing apai indai nyengulaka aku nyadi peransang ngagai aku bebendar agi belajar laban aku deka malas budi enggau ngasuh seduai temegah dudi hari,” ku iya ti masang juluk deka nyadi pengajar.

BERITA LAIN

BERITA TERBARU