PKP dilanjar nyentuk 14 Februari

KUCHING: Komiti Penyangga Penusah Nengeri Sarawak (JPBNS) udah ngaga pemutus ngelanjar Atur Mindah Betagang (PKP) di Bagi Menua Sibu berengkah ari 30 Januari pukul 12.01 pagi nyentuk 14 Februari, 11.59 malam.
Chairman iya, Datuk Amar Douglas Uggah Embas madahka Atur Mindah Betagang Belebas (PKPB) ba bagi menua bukai mega dilanjar berengkah ari 1 Februari, pukul 12.01 pagi nyentuk 14 Februari, pukul 11.59 malam.
Uggah madahka Sarawak sekali agi ngerikod siti kes pemati sehari tu ngujungka kes pemati nambah ngagai 34 kes kelimpah ngerikod 70 kes baru positif Covid-19.
Nambahka nya ku Uggah, Pelilih Dalat, Bintulu, Kanowit, Beluru, Miri, Sibu enggau Kuching mengkang ba zon mirah pengudah ngerikod 1,702 kes ba timpuh 14 hari ke udah.

Suara Sarawak