KUCHING: Komiti Penyangga Penusah Ngenyit Negeri (JPBN) madahka Kuching deka bejalaika Atur Tagang Pejalai Bersyarat (PKPB) berengkah 9 nyentuk 22 November tu.

Chairman JPBN Datuk Amar Douglas Uggah Embas madahka pemutus tu digaga laban Pelilih Menua Kuching ngerikodka kes berampit ti majak tinggi.

“Atur tu diambi bepelasarka gaya kes positif Covid-19 di Pelilih Menua Kuching majak nambah ninting hari iya nya 151 kes dalam timpuh 14 hari ke udah.

“Nya alai, pemutus bejalaika PKPB di Pelilih Menua Kuching deka berengkah kena 9 ngagai 22 November,” ku iya Uggah rambau aum pemberita di Dun Lama ditu, kemari.

Ku iya, pejalai neresa Semenanjung, Sabah enggau Labuan enda dikemendarka enti nadai pemendar ari Polis Diraja Malaysia (PDRM).

“Taja pia, pejalai neresa pelilih menua bukai di nengeri Sarawak nagang ditagang tang atur nya enda nyengkaum tama enggau pansut ngagai Pelilih Menua Kuching.

“Atur Pengawa Standard (SOP) deka dikeluarka kena 8 November (sehari tu),” ku iya.