PKPD ba dua palan rumah suwa di Bintulu

KUCHING: Komiti Penyangga Penusah Nengeri (JPBN) udah ngaga pemutus neritka Atur Mindah Betagang Diterit (PKPD) ba Rumah Suwa Anong di Batu 5 enggau Rumah Sewa Beverly Hills di Taman Beverly Hills di Bintulu.

Chairman iya, Datuk Amar Douglas Uggah Embas madahka madahka PKPD deka diterit ba dua genturung pendiau nya berengkah ari pukul 12.01 malam tu tu nyentuk pukul 11.59 malam 18 March tu.

Uggah madahka Sarawak ngerikod kes baru positif Covid-19 pemadu tinggi iya nya 361 kes ke alai 89 kes di Miri, 73 kes di Sibu, 71 kes di Bintulu, 60 kes di Betong, 22 kes di Kuching, 11 kes di Subis enggau semilan kes di Sarikei.

Pia mega ku Uggah, lapan kes di Mukah, enam kes di kapit, bela empat kes di Selangau enggau Serian, tiga kes di Meradong enggau siti kes di Julau.

Uggah madahka Pelilih Kanowit mali ngagai status oren pengudah ngerikod 26 kes berampit dalam menua ba timpuh 14 hari ke udah.

Iya mega madahka Pelilih Serian enggau Sarikei udah mali ngagai status oren pengudah ngerikod 21 kes berampit dalam menua ba timpuh 14 hari ke udah.

Uggah madahka bisi 266 kes baru udah suman enggau dikemendar pansut ari sepital ke alai 155 kes di Sepital Sibu, 45 kes ba Sepital Besai Sarawak (SGH), 29 kes di Sepital Sarikei, 16 kes di Sepital Kapit enggau 10 kes ba Sepital Bintulu.

Iya madahka enam kes di Sepital Sri Aman enggau lima kes ba Sepital Miri ngujungka kes suman nambah ngagai 7,7967 kes tauka 76.43 peratus.

“Bisi 2,337 kes agi diperubat ba wad isolasyen ke alai 889 kes di Sepital Sibu, 391 kes di Sepital Bintulu, 303 kes di SGH enggau 289 kes di Sepital Miri.

“170 kes di Sepital Betong, 134 kes di Sepital Sarikei enggau 132 kes di Sepital Kapit enggau 29 kes di Sepital Sri Aman.

“Naka tu, 25 kluster agi ngerekai di Sarawak enggau 361 PUI baru dirikodka sehari tu.

Suara Sarawak