PKPD di Kpg Sebako, Lundu berengkah tengah malam tu

KUCHING: Komiti Penyangga Penusah Ngenyit Nengeri (JPBN) dalam aum udah ngaga pemutus Atur Mindah Betagang Diteritka (PKPD) ba Kampung Sebako, Lundu dipejalaika ketegal kes positif Covid-19 di menua nya majak nambah.

Ku penerang media JPBN, Kampung Sebako, Lundu deka PKPD bepun 6 Februari (12.01 pagi) ngagai 19 Februari (11.59 malam).

Berebak enggau nya, PKPD ti dipejalai ba Kampung Ud enggau Kampung Sungai Ud Hilir Pelilih Menua Dalat, Mukah mega dilanjar.

Lanjar timpuh PKPD tu iya nya bepun 10 Febuari (12.01 pagi) nyentukka 16 Februari (11.59 malam).
Mensia mayuh dipinta bejimat sereta nyaga pengerai diri baka ngena sengkabung mua sereta nyaga takah enggau pangan diri.