ARTIKEL

RICHARD WEE

Polisi pelajar Perintah Sarawak patut dichunto

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Datuk Richard Wee mantaika pengandal diri ngambi Perintah Besai enggau perintah nengeri bukai bechunto ke polisi pelajar Perintah Sarawak.

Chairman Komiti Pengatur Kaunsil Direktor Sekula Primari Bansa China (SJK) Chung Hua No 1, 3 enggau 4 nya madah, polisi nya nyengkaum meri sukung ngagai sekula China kediri.

Kebuah pia, ku iya, ngambi bakat nembiak ulih ditempa enggau dikemansang nyadi sebagi ari pengawa dikena ngemansangka menua.

“Premier Sarawak, Datuk Patinggi Tan Sri Abang Johari Tun Openg endang nyukung penuh pelajar sebela ungkup semua orang enda ngira kaya tauka seranta enggau ba mengeri tauka menua pesisir.

“Pekara dikemerat Abang Johari nya patut meri peransang ngagai kitai semua.

“Pengelama betaun-taun ba Sarawak, sekula China kediri kami udah nerima sukung penuh enggau diaku perintah nengeri ditu.

“Pia mega, perintah nengeri udah ngaku Sijil Peperiksaan Bersepadu (UEC) ti ngemendarka nembiak kitai minta jali pelajar enggau sekularship ari Yayasan Sarawak sereta masuk servis perintah nengeri.

“Perintah nengeri udah meri agih belanja ninting taun ngagai 14 sekula kediri kami berengkah ari taun 2014 nengah agih belanja RM3 juta lalu penyampau tu nambah sejuta ninting taun.

“Taun nyin kemari, perintah nengeri udah meri agih belanja RM10 juta lalu taun tu, sekali agi perintah nengeri meri RM10 juta ti ngujung ke penyampau agih belanja diberi perintah naka diatu manggai RM72 juta,” ku iya.

Wee mansutka jaku nya rambau Program Nutup Pekit Bemacham Bol Sekula Sekondari Kediri China Renggat Nasional Ke-10 2023 ba Palan Aum Borneo Kucing (BCCK) ditu, ensanus.

Iya madah, perintah nengeri udah meri tanah ngagai kaunsil sekula dikena nyungkak penatai pemisi kediri empu ungkup belanja timpuh panjai sekula nya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU