Pom KGC patut disempulang dokumen diguna

KUCHING: Bisi 8,505 iti peminta Kenyalang Gold Card (KGC) diterima Opis Menteri Pengintu Pengelantang Pendiau, Komuniti, Orang Indu enggau Pemansang Anak Mit (KWKPK) ari selampur menua tu.

Menteri iya, Datuk Seri Fatimah Abdullah madahka penyampau nya dirikod naka 21 Januari tu tadi.

“Ngagai sida ke apin ngisi tauka nganjung pom tu, kita meseti ngisi pom nya enggau penuh sereta nganjung pom nya disempulang dokumen bukai ke diguna.

“Kebuah pia ngambika kami ba Opis Pengintu Pengelantang Pendiau Komuniti (JKM) ulih ngaduka pom peminta kita nya enggau jampat,” ku iya.

Fatimah madah munyi nya ba aum pemberita pengudah Aum Komiti Indu enggau Ruang Bilik Sarawak Bil. 1/2020 ba sebuah hotel ditu tadi.

Suara Sarawak