PPV Dewan Balai Polis Kabong deka ditumbuh

SARATOK: Seriris enggau tagit nambahka pemayuh tubuh dituchuk vaksin, sebuah agi Palan Betuchuk Vaksin (PPV) deka ditumbuh ditu.

Sapit Menteri Pengeluar Kuasa enggau Pengeraja Asal, Datuk Ali Biju madahka palan nya deka ditumbuh ba Dewan Balai Polis Kabong kena 14 June tu.

Ku iya, palan nya endang diungkupka peranak Kabong kelimpah nambahka tiga buah PPV ke bisi diatu.

“Kitai udah numbuhka PPV ba Dewan Sri Krian, Sepital Saratok enggau Klinik PMG Saratok.

“Tu siti ari strategi Opis Pengerai Pelilih Saratok nentuka kitai ulih nyapai Imuniti Beraban enggau naka penyampat,” ku iya.

Ali ke mega Kaban Parlimen Saratok mansutka jaku nya pengudah ngatur pejalai gawa ngagai Opis Pengerai Pelilih Saratok di Wisma Persekutuan Saratok, pagi tadi.

Berebak enggau nya, iya mega nyuaka pemeri laptop ungkup raban gawa ba PPV Dewan Sri Krian.

Berita penuh ba Ruai 2 pagila

Suara Sarawak