Pra sekula pelasar nerenak penyerakup

SARATOK: Pra sekula diperati endur pemadu engkeman nerenak penyerakup ari renggat tumu.

Kebuah pia ku Kaban Parlimen Lubok Antu, Ali Biju, laban bala nembiak mit ba pra sekula datai ari pupu bansa, ngemeranka daya idup enggau jalai pengarap ti bebida.

Ari nya ku iya, pra sekula dikeandal nyadi pelasar kitai nerenak semengat siruka kaul bebakih, pemereti ati enggau bebasaka pangan diri ngagai bala nembiak kenyau ari mit.

“Pekara tu beguna amat nentuka kitai nyapai pemujur ba pengawa nempa modal mensia ti menyana.

“Sida tu mega dikeandalka kitai lulih ngesan pangku pengawa nyadi ketuai jemah, nampung pengawa ngemansangka menua,” ku iya.

Ali mansutka jaku nya lebuh dikangau nyadi temuai dipebasa sereta bejadika Pengerami Apresiasyen Nembiak Mit Tabika/Taska Kemas Zon Kabong 2019 ditu, kemari.

Suara Sarawak