ARTIKEL

Premier nesau ngabang ba Hari Raya keterubah enggau kedua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Mensia mayuh selampur Sarawak ditesau sama datai ngerichahka Pengerami Nerima Pengabang Hari Raya Aidilfitri 2024 diatur Premier, Datuk Patinggi Tan Sri Abang Johari enggau bini, Datuk Amar Juma’ani Tuanku Bujang.

Opis Premier Sarawak madah, pengawa ninting taun ke meri peluang ngagai mensia mayuh ngaul diri semak enggau tuai lumur satu nengeri nya deka diatur di Palan Konvensyen Borneo Kuching (BCCK) ba hari raya keterubah enggau kedua.

“Mensia mayuh ditesau sampal datai pukul 10.30 pagi nyentuk 3.00 ngalih hari ba hari raya keterubah.

“Seraya ba hari raya kedua, pengerami nerima pengabang deka diatur belabuh ari 10 pagi nyentuk 2 ngalih hari,” ku iya nengah penerang tadi.

Berindik ari nya, mensia mayuh ditesau datai ngena gari ke kemas ngambi sama ngerami enggau ngerichahka agi pengerami nerima pengabang nya ila.

Ba taun siti nyin tadi, pengerami ke sama diatur di BCCK ti digulu lebih 10,000 pengabang datai ari pupu bansa enggau jalai pengarap.

Bala pengabang ke datai enda masau peluang berandau sereta begambar enggau Abang Johari sereta bini.

Kelimpah ari nya, sida mega diperindang enggau lagu raya sambil makai bemacham bansa pemakai asal menua tu baka sate, rendang enggau lemang nyengkaum kuie.

Abang Johari mega bisi nyadaka beberapa lagu lebuh pengerami nya suba merindang mensia mayuh ke datai ngabang.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU