NGENJEN DI SEMANDIN animasi bahasa Sarawak pertama di Malaysia

20 jam lepas

PRN12 : GPS andal ulih menang semua 82 penuduk

Suara Swk
RUAI
30 November 2021
2:54 pm

KUCHING: Gempung Parti Sarawak (GPS) dikeandal ulih menang di semua 82 penuduk Dun maya Pengawa Bepilih Nengeri Ke-12 (PRN-12) kena 18 Disember tu.

Chairman Gempung Parti Sarawak (GPS), Datuk Patinggi Abang Johari Tun Openg madah, pekara nya ulih dijapai enti kaban GPS ngembuan semangat ngetan enggau ngemansangka Sarawak.

“Rayat Sarawak lebih beguna lalu kitai naka ulih gawaka rayat atas nama GPS,” terang iya.

Abang Johari mansutka jaku nya lebuh bejadika Pengawa Ngelancharka Tim GPS di Indu Opis Parti Pesaka Bumiputera Bersatu (PBB), ditu kemari.

Nya kebuah ku iya, tim GPS diatu berengkah bejalaika penagwa nentuka sida menang ba genap sitak.

“Udah tentu kami bisi tim ke udah sedia tumu agi, nya kebuah kami ngasuh tim ke udah ditumbuh beberapa bulan ke udah bejalaika pengawa,” ku iya.

Nambahka nya, Abang Johari meri terima kasih ngagai Parti Pribumi Bersatu Malaysia (Bersatu) enggau Barisan Nasional (BN) laban nadai nganjung chalun maya pengawa bepilih ila.

Baca lain MRSM Bintulu diatu 90 peratus tembu

“Sida enggai ngachau laban nemu politik Sarawak bebida enggau Semenanjung,” ku iya.

Nangkan nya, iya madahka pemansang Sarawak dijamin dipegai GPS ti tegap.

Terang iya, Perintah GPS udah ngelanggur polisi ti nyengenda nyentuk 2030 lebuh ngemeratka polisi ekonomi enggau pekara rama ti deka nyaga pengelantang rayat enggau menua tu.

Sama datai Presiden Parti Sa’ati Rayat Sarawak (SUPP) Datuk Seri Dr Sim Kui Hian, Presiden Parti Demokratik Progresif (PDP) Datuk Seri Tiong King Sing enggau Sapit Presiden Parti Rakyat Sarawak (PRS) Datuk Joseph Salang Gandum.