ARTIKEL

PRN12 : Menang 76 penuduk, mandat tegap ari rayat

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BAU: Kepala Menteri Datuk Patinggi Tan Sri Abang Johari Tun Openg ngasaika pemujur menang 76 penuduk ba Pengawa Bepilih Besai Nengeri ke-12 (PRN-12) endang siti mandat ke tegap sereta tanggungpengawa ke berat ari rayat.

Labana ke nyadi Chairman Gempung Parti Sarawak (GPS) ku iya, pemujur menang 76 penuduk enda disadang enggau enda kala dijapai ba nengeri tu.

“Nya alai, aku deka meri basa enggau terima kasih ngagai sukung rayat ngagai GPS.

“Bepelasarka konsep bediri sama tinggi, duduk sama baruh, aku enggau bala bakih bukai deka terus ngemansangka nengeri Sarawak sereta rayat di nengeri tu lalu aku besemaya deka nyapai semua manifesto dalam timpuh lima taun ngiring perintah,” ku iya.

Iya madah munyi nya maya Pengerami Makai Taun ke-65 Kaunsil Pelilih Bau, di Tasik Biru Food Village, ensana.
Nerang silik, Abang Johari madah rayat diperati udah mereti enggau tuju ke dibantai perintah Sarawak lebih agi dalam nyapai juluk nengeri mansang 2030.

“Nyema rayat enda mereti, enda patut sida terus tegap nyukung GPS. Pekara tu laban sida nemu kuing tuju Sarawak jemah ila.

“Terima kasih laban udah meretika polisi ke dibai aku,” ku iya.

Iya mega meri basa enggau terima kasih ngagai semua rayat ba Tasik Biru laban udah meri pemujur besai ngagai GPS dalam PRN-12, pia mega nyaga sitak nyengkaum Lundu, Tanjung Dato, Opar enggau ke bukai.

Dina meri ‘perais’ ngagai peranak Bau laban udah nyukung GPS, Abang Johari madah ngemendarka Muzium World Park di Bau dikemansang ungkup sektor dagang temuai ba pelilih tu.

Ku iya, sitak dagang temuai nya patut dikemansang laban deka meri pangka positif nyengkaum nyungkak penatai pemisi rayat.

“Nengah chara matak mayuh temuai ari dalam menua enggau entarabangsa kitu, nya deka nyungkak sektor betanam betupi, nyadi pematak pengeraja asal enggau ngundan sejarah sereta pesaka ba pelilih tu,” ku iya

Kenu ku iya, GPS ngembuan perambu penuh pasal baka ni nyungkak sektor dagang temuai ba Bau enggau Sarawak.

“Baka ke udah dipadah dalam Manifesto GPS, kami deka ngemanah enggau ngangkatka infrastruktur dagang temuai nyengkaum penerebai bilun ke nyadi isu ba Sarawak.

“Tang aku meri jamin, kitai deka mutarka penanggul tu ungkup timpuh lima taun tu laban kitai deka mai mayuh agi temuai raun ke Sarawak,” katanya.

Nengah pengawa mutarka penanggul tu, nyadi mayuh temuai deka datai ke Sarawak lalu oerintah ulih nerima chukai ari pemansang enggau mega servis ke bisi disedia ba Bau tu.

“Tu mih pusin iya, kitai nyungkak penatai pemisi nengeri, udah nya kitai ngemanahka servis kitai ungkup rayat lalu tu deka meri pengelantang enggau penyenang pengidup ngagai rayat di Bau enggau Sarawak,”ku iya.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup