ARTIKEL

Produk dagang temuai Puncak Borneo meseti dikemansang penuh

Facebook
Twitter
LinkedIn
WhatsApp
Telegram

KUCHING: Sitak Parlimen Puncak Borneo diaku ngembuan mayuh sitak ekonomi dagang temuai ti ngembuan pengulih besai dikemansang.

Kaban Parlimen Puncak Borneo, Datuk Willie Mongin madah, sitak nya dikelala nyadi sekeda Tourism Belt menua.

Iya madah, sitak nya mungkur sitak Kunsil Nengeri (DUN) Tarat, Mambong enggau Serumbu.

Taja pia, ku iya, inisiatif perintah enggau Opis Menteri Dagang Temuai ba pengawa nyerungkai pengulih dagang temuai dia bedau ngemantupka ati.

“Nya alai, aku ngelalau staf Opis Menteri Dagang Temuai enggau Main Asal Malaysia (MOTAC) datai kitu ngabas enggau meri sukung pekara wang sereta bantu ngagai bala pemekuh industri dagang temuai ba sitak Puncak Borneo.

“Inisiatif tu dipejalai ngambi produk dagang temuai ti bisi ba sitak tu ulih diangkat ngagai tikas ti nyulut agi,” ku iya.

Willie mansutka jaku nya ba sebengkah penerang ba Facebook iya kemari pengudah sesyen bejurai Bajet 2024 ba Dewan Negara.

Ngelansa silik, ku iya, sitak Parlimen Puncak Borneo ngembuan penyelai kediri empu laban ngembuan 30 gua lalu gua pemadu besai dia iya nya Gua Raya tauka Taang Raya.

Bisi 32 ai wung ti chukup manah nyengkaum ai wung ba Kampung Assom, Bengoh Dam, Kampung Sadir enggau Kampung Kiding.

Pia mega, bisi tiga pegung ai angat, rumah panjai, lebih 23 rumah temuai sereta palan ngelantang ati baka D’Remin Sapit, Kiyau Sapit, Kaloyan, Libiki, Pesang River Lodge enggau Jangoi River Lodge.

“Nambahka nya, bisi palan ngelantang ati Borneo Highland Resort ti disikap ngena padang golf tang diatu ditutup.

“Palan tu patut dikemansangka baru laban ulih meri pemaik ngagai dagang temuai enggau ekonomi ba sitak nya,” ku iya.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Sarawak berada di depan transformasi digital

SEPANYOL: Sarawak berada di barisan hadapan dalam transformasi digital sekali gus memanfaatkan teknologi untuk memacu inovasi dan produktiviti merentasi pelbagai industri. Menurut Menteri Utiliti dan