ARTIKEL

MANAH… Anwar disempulang bala bukai ngabas reruai produk seni kraf kayu.

Produk kraf diangkat, asil diulih belipat

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Hari Kraf Nasional (HKK) 2024 nya bisi kaul enggau sektor dagang temuai menua lalu sebagi ari inisiatif matak temuai ukai semina ari menua Asia tang mega ari menua Eropah enggau Amerika, ku Menteri Besai, Datuk Seri Anwar Ibrahim nyemetak.

Nya kebuah ku iya, tanggungpengawa Opis Menteri Dagang Temuai, Seni enggau Main Asal Malaysia (MOTAC) beguna endar dikena nyungkak pemansang ekonomi menua.

“Meseti bisi kerejasama enggau semua kelebih agi ari sukut infrastruktur ti patut dikemerat kelebih agi padang bilun enggau penyangkai kapal ke nyadi pintu penama menua.

“Fasiliti nya patut dikemanah sebaka enggau penyampau temuai ngagai menua kitai,” ku iya.

Anwar nibar jaku nya lebuh bejadi Hari Kraf Nasional 2024, ditu malam kemari.

Iya madah baru, semua raban meseti ransing ngangkatka industri lokal nengah pengawa ngelakuka produk kraf baka batik, songket, pua kumbu enggau produk lokal bukai.

Iya nyemetak madah, atur Program Aum ASEAN Taun Baru iya nya 2025 meseti ngena tanda mata ari produk kraf lokal.

Anwar udah disempulang Menteri MOTAC, Datuk Seri Tiong King Sing, Sapit Menteri MOTAC, Khairul Firdaus Akbar Khan nyuaka Anugerah Tokoh Kraf Menua 2-24 ngagai Bangie anak Embol, Kraf Tekstil Tenun Pua Kumbu.

Anugerah nya pengawa ngaku pemadu tinggi diberi Perintah Malaysia nengah pemendar Jemaah Menteri ba taun 1996.

Tambah mega, anugerah nya meri peransang ngagai pedagang kraf ti landik ngambi kreatif, inovatif enggau produktif agi ngetanka seni kraf lokal seraya nyungkak pemansang sosioekonomi menua.

HKK ngerikod asil RM274.4 juta mungkur 9,465 iku pedagang kraf enggau penatai 1.23 pengusung.

HKK nya mega udah diatur MOTAC nengah Kaunsil Pemansang Kraf Jari Malaysia (Kraftangan Malaysia) kenyau ari taun 2003.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU