ARTIKEL

Produk Nang Ori masuk makit Jipun

Facebook
Twitter
LinkedIn
WhatsApp
Telegram

TEMEGAH, gaga enggau enda ngadang!

Nya meh pengasai ati siku pedagang ari Malaysia ke mega pemungkal chap dagang Nang Ori, Awaeng Kwasin lebuh produk lada iya rembus makit Jipun seraya ngelanchar produk baru ari lada nya.

Ku Awaeng, iya temegah endar ati ulih mai produk lada ngambi dilanchar enggau dijual ngagai orang ba menua Jipun.

“Enda ulih ditiu ngena leka jaku pengudah bulih peluang berega ba Program Malaysia Fair 2023 diatur Duta Malaysia di Jipun ti keterubah iya diatur ba timpuh empat taun tu.

“Ba program tu, kitai ulih meda bemacham pekara ti chukup ngerindu ke ati lalu bulih peneleba berega.

“Asai diau ba menua diri, nya meh pekara ulih disimpul aku lebuh nemuai kitu laban ditu mega ulih ngasai peneleba baka ba Malaysia ari sukut tanda, muzik rayat, pemakai asal enggau buah lalu pemadu ngerindu ke ati nya, budaya.

“Bala pengusung kelebih agi ba menua Jipun empu ulih ngasai peneleba diau ba Malaysia lebuh datai ngagai program ba Tokyo ditu.

“Program pengelama tiga hari berunggu tu bisi pengulih besai lalu manah endar ungkup pedagang baka aku.

“Kebuah pia laban kami ulih ngelaku chap dagang diri sereta mai produk rembus ngagai makit ke tinggi agi kelebih agi ngining makit dunya,” terang iya.

NERIMA SUKUNG

Tambah mega ku Awaeng, iya meri terima kasih ngagai raban bekaul baka Duta Malaysia di Jipun, Datuk Shahril Effendi Abd Ghany enggau Head Strategic Affiliation and Engagement Stakeholder Management SME BANK, Faiiza Mohd Mokhtar laban ulih datai bejadi pengawa ngelanchar produk iya.

Iya mega meri terima kasih ngagai raban Kaunsil Pemansang Dagang Luar Malaysia (MATRADE) sereta SME Bank laban ngangau ke kami begulai ngelaku produk ari Malaysia.

“Peneleba ngagai menua Jipun berekat diembing raban bekuasa tu besai endar reti laban ngelaku produk ti chukup bekualiti enggau seikas chap dagang ari menua bukai ngambi dipandang ngagai mensia mayuh ba Jipun ditu.

“Tu mega chara nyerungkai peluang baru enggau nempa rentayan dagang begulai enggau pedagang ari menua Jipun ditu.

“Aku pechaya, inisiatif dipejalai raban MATRADE begulai enggau SME Bank nengah pelasar ti betul ulih meri pangka besai ngagai dagang kami sereta nyungkak pemansang ekonomi Malaysia.

“Ba penemu aku, temegah endar ulih masuk program baka tu laban ulih mantaika budaya enggau pesaka orang Sarawak,” ku iya ti besilih pekayan enggau bakih kunsi dagang, Oyake.

PRODUK LADA BARU

Ba program nya, Awaeng ngerasuk kimono seraya Oyake ngerasuk pekayan asal ti dikemegah raban bansa Bidayuh enggau aksesori ti ditengkebang orang Sarawak.

Ukai semina nya aja, Awaeng mega ngena peluang berega nya mai produk lada Sarawak ke diaku lada pemadu manah ba dunya.

Sekali tu, iya madahka diri bisi mai produk lada baru iya nya Sarawak Black Pepper Tea ti bisi lima perisa nitih guna enggau pemanah produk nya.

“Produk tu manah sereta muntang laban sida semina nyampur ngena ai angat enggau gula aja.

“Aku mega ngasaika produk pemadu baru tu deka nangkup peminta orang Jipun.

“Ba Nang Ori, kami endang rindu ngiga pekara baru sereta ngembuan inovasyen.

“Ari inovasyen nya meh, produk kitai ulih majak angkat enggau dikelala laban ba dunya digital enggau deras mansang, semua pengawa muntang dikereja ngena pengelebih digital.

“Nya alai, anang enggai ngiga inovasyen baru nitih kreativiti ngambi produk enggau dagang kitai majak angkat enggau dikelala semua,” ku jaku peransang Awaeng. 

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

Kuarters lama JKR terbakar

SIMANGGANG: Sebuah kuarters lama Jabatan Kerja Raya (JKR) yang tidak berpenghuni terbakar awal pagi tadi. Ketua Bomba dan Penyelamat Zon Tiga (Sri Aman) Muhammad Rais

IPD Kuching akan perkenal platform e-aduan

KUCHING: Ibu Pejabat Polis Daerah (IPD) Kuching akan memperkenalkan platform e-aduan untuk memudahkan masyarakat menyampaikan aduan jenayah secara dalam talian kepada pihaknya. Ketua Polis Daerah