ARTIKEL

KENANG… Dr Annuar (duduk tengah) begulai enggau industri bekaul sereta raban akademik UTS pengudah ngelanchar program nya.

Program baru UTS endang relevan

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Nengah pemansang besai industri kilang, minyak enggau gas ba Sarawak, Program Sarjana Muda Sains dalam Kesihatan dan Keselamatan Pekerjaan (Kepujian) ti disedia di Universiti Teknologi Sarawak (UTS) ditu chukup relevan.

Chairman UTS, Datuk Dr Annuar Rapaee madah, program nya nyendiaka mayuh peluang kereja ngagai rebak biak kelebih agi dalam sektor nya.

“Program tu dikumbai chukup engkeman nangkup peminta pengereja dalam industri tu.

“Tang atur pengelikun ba palan gawa mega dikemerat kelebih agi nengah pemisi projek besai baka kilang hidrogen enggau kilang metanol di Bintulu ti bisi besangkut paut enggau kereja berat,” ku iya lebuh ngelanchar program nya, Hari Tiga tu tadi.

Sapit Menteri Pelajar, Inovasyen enggau Pemansang Penau Sarawak nya ngarapka program tu deka meri penerang mungkur semua pekara bekaul standard pengelikun ti meseti dititih.

Ku iya agi, program nya mega udah nerima timbal positif ari industri kelebih agi atur pengelikun bat aba projek, meresa pengelikun enggau pengempu kad gadung (CIDB).

Iya nyemetak madah, pengatur program meseti nentuka program nya ukai semina ungkup industri bekaul tang mega mungkur bemacham sektor.

Program nya meri perati pasal hak pengereja pengawa enggau tanggungpengawa serikat, meri tuju ti beguba ngambi gawa ba palan ti likun, ku Kaban Kunsil Nengeri (ADUN) Nangka nya.

Dr Annuar mega madah, program nya dikena narak penyereta ulih nyaga pengelikun enggau pengerai diri ba palan gawa.

“Tu meri penyedar pasal hak gawa ba endur ti likun, nerima latih ti chukup enggau dijaga ari penusah enda disadang nyadi ba palan gawa,” ku iya.

Program tu setipak enggau atur kelimpah nunjukka pengeran raban bekuasa nentuka pengelikun ba palan gawa seraris enggau ubah Undang-undang Keselamatan dan Kesihatan Pekerjaan ba taun 2022, ku iya nyemetak.

Nengah pemansang ekonomi enggau inisiatif pemerintah ba Sarawak, iya madah, program nya dikeandal ukai semina meri peluang kereja tang mega ngangkatka standard pengelikun ba bemacham sektor industri.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)