ARTIKEL

Program Bejalai Bebala Mayuh Krismas ACS Pampang Sibu disadang dipasuk 5,000 raban Kristian

Facebook
Twitter
LinkedIn
WhatsApp
Telegram

SIBU: Dipelaba urung 5,000 iku ngambi bagi ba Program Bejalai Bebala Mayuh Krismas Gerempung Gerija Sarawak (ACS) Sibu 2023 ti deka diatur ba Palan Lapang Tun Tuanku Bujang Renggat 1 kena 9 Disember tu.

Chairman ACS Pampang Sibu, Archdeacon Joseph Dusit Ijau madah, program bejalai bebala mayuh Krismas nya deka berengkah diatur pukul 7 malam ba palan lapang nya.

Iya madah, program nya ungkup taun tu bepelasar ke rambai jaku ‘Emmanuel, God Is With Us’ diatur begulai ACS Pampang Sibu enggau Gerija Anglikan.

“Ba taun nyin kemari, penyampau bala penyereta chukup mayuh lalu kitai ngarap taun tu kitai ulih ngempuruka urung 5,000 penyereta,” ku iya.

Joseph madah, Chairman ACS ti mega Bishop Gerija Anglikan ba Sarawak enggau Brunei, Rt. Revd. Datuk Danald Jute deka ngambi bagi ba program nya.

Kelimpah ari Gerija Anglikan, ku iya, gerija bukai ti ngambi bagi ba program nya baka Gerija Roman Katolik, Aum Ninting Taun China Sarawak (SCAC), Gerija Methodist, Gerija Methodist Aum Ninting Taun Iban Sarawak (SIAC), Borneo Evengelical Mission (BEM) enggau ti bukai.

Ku iya, aktiviti besai ba program nya baka nungkunka dian Penyerakup pukul 6.40 lemai ti dipenyadi begulai Danald enggau Tuai BEM, Pastor Yahya Ating, Uskup Katolik Sibu, Rt. Revd. Joseph Hii sereta Presiden SACS, Gerija Methodist, Dr Lau Hui Ming.

Pia mega, Presiden SIAC, Gerija Methodist Iban, Revd. Bonnie Sedau, Direktor Unit Pekara Jalai Pengarap Bukai (UNIFOR), Datuk Jack Aman, Residen Bagi Menua Sibu, Datuk Wong Hee Sieng sereta Chairman Kaunsil Mengeri Sibu (MPS), Kaunsilor Clarence Ting Ing Horh bela bejadi program nya.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU