ARTIKEL

KENANG BEGULAI… Sagah begambar ungkup kenang begulai enggau nembiak SK Ulu Segan pengudah program nya kemari.

Program Bridging Learning Loss for Rural Primary School Students in Sarawak mantu nambah kualiti pelajar Sarawak

Facebook
Twitter
LinkedIn
WhatsApp
Telegram

BINTULU: Opis Menteri Pelajar, Inovasyen enggau Pemansang Penau (MEITD) nengah kerejasama sebuah serikat sosial, Chumbaka ti ngemansangka pengelandik pengidup nembiak mit nengah teknologi ngelanchar Program Bridging Learning Loss for Rural Primary School Students in Sarawak.

Program ti bepalan ba Sekula Primari (SK) Ulu Segan nya bela disukung Yayasan Hasanah, Opis Menteri Pekara Wang enggau Opis Pelajar Nengeri Sarawak (JPNS).

Pengawa ngelanchar program nya kemari dipenyadi Menteri MEITD, Datuk Seri Roland Sagah Wee Inn.

Iya madah, pandemik COVID-19 meri pemar enggau takah akses pelajar ti betatak ba pra sekula ba sekula menua pesisir ba nengeri tu lalu tu patut diberi perati lengkas kelebih agi bekaul pengawa belajar literasyen enggau numerasyen.

Nya alai, ku iya, nya endang tanggungpengawa opis menteri sida nentu nadai siku nembiak tinggal ba pelajar enggau ngulih tunga kuing ti tampak dudi hari.

Pengawa ngatur program nya, ku iya, siti ari inisiatif nemban dikena nambah kualiti pelajar ba Sarawak ti ngembuan urung 10,000 nembiak ba Tikas 1 enggau 2 ti apin ulih nguasa pengelandik 3M iya nya macha, nulis enggau ngira.

Baca lain  Datuk Bandar baharu untuk DBKU, MBKS dan MPS

Iya andal inisiatif begulai nya deka ngerandang jalai ungkup tunga kuing Sarawak ti tampak agi lalu nya ukai semina inisiatif tang nya mega siti pengandal.

“Tu danji kitai ngagai rebak biak laban pelajar sida endang pekara ti dikemeratka Perintah Sarawak kelebih agi MEITD.

“Aram meh kitai begulai nentu penyulut enggau nadai siku nembiak tinggal ba pelajar dikena nempa Sarawak bepelasarka penemu.

“Teknologi udah tentu ngembuan kuasa ukai semina ngedut takah tinggal pelajar tang nempa budaya inovasyen enggau inkuiri dikena nyikap nembiak napi pemar jeman ke-21,” ku iya.

Iya madah, teknologi aja enda ulih dikena mutar pekara enda sebela ba sekula tang kebendar pengeransing sereta pengepuh pengajar enggau bala tuai sekula nyadi penentu ngagai penyulut inisiatif nya.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

PDRM

Suspek kes amang seksual ditahan di Miri

SRI AMAN: Suspek lelaki dikehendaki polis yang disyaki melakukan amang seksual terhadap seorang kanak-kanak perempuan di kawasan tanah perkuburan lama, Kampung Kubal, Betong ditahan Jumaat

Pemancing udang jumpa mayat terapung

MIRI: Sembilan pemancing udang galah dikejutkan dengan penemuan mayat seorang lelaki dalam keadaan tidak sempurna di Sungai Kuala Baram di sini, hari ini. Ekoran itu,