ARTIKEL

Program ditampung ngagai pelilih bukai

Facebook
Twitter
LinkedIn
WhatsApp
Telegram

KUCHING: Sarawak keran ngemanah kualiti pelajar nengah bemacham program negap modal mensia ti ulih nangkup peminta dunya.

Menteri Pelajar, Inovasyen enggau Pemansang Bakat, Datuk Roland Sagah Wee Inn madah, nya nyengkaum nengah Program Pemansang Profesionalisme Meruan (CPD) ungkup pengajar Sains, Matematik enggau Jaku English.

“Program tu nambah pengelandik bala pengajar ngambi pengawa ngajar subjek Sains enggau Matematik dalam jaku English ti dipejalai kenyau ari taun 2020 lanchar.

“Kitai mega udah ngena RM1.1 jura nentuka program tu mujur. Tang asil kebendar semina ulih ditemu pengudah bala nembiak masuk Pom Empat ila sekali ke sida masuk aliran sains, sastera tauka ke bukai,” terang iya.

Sagah mansutka jaku nya lebuh dirandau pemberita pengudah bejadi Pengawa Ngelanchar Program Negap Pedagogi Pemansang Profesional Meruan ungkup Pengajar Sains, Matematik enggau Jaku English Sekula Primari di Sarawak Taun 2023, ditu kemari.

“Aku aku ngarapka kitai ulih ngemujur inisiatif tu laban kitai bisi bala pengajar ke chukup bagas kelimpah perintah semampai meri sukung negapka bala pengajar tu ngambi ulih nempa pengajar ti bekualiti.

“Nya alai, program tu dikearap ulih nambah penau pengajar kitai. Pengajar ti manah ukai semina bepenemu tang semampai belajar dikena nambah penemu enggau peneleba enggau pemansang diatu,” ku iya nyemetak.

Program nya diatur begulai Opis Menteri Pelajar, Inovasyen enggau Pemansang Bakat Sarawak (MEITD), Opis Pelajar Sarawak enggau Palan Penarak Pengajar Kampus Tun Abdul Razak, Samarahan, Sarawak (IPGKTAR).

Nangkan nya, Direktor IPGKTAR, Anis Alisya Abdullah madah, bisi 3,092 pengajar ari ketetiga subjek udah masuk Program CPD keterubah ti diatur ba taun 2021.

“Program taun tu dikena nampung program CPD keterubah ti bepun dua taun ke udah enggau masuk ke elemen tambah Penemu Pedagogi (PCK) enggau Penilaian Bepelasarka Bilik Kelas (CBA) ti dikemanah dikena nangkup enggau negapka peminta profesional pengajar Sains, Matematik enggau ukai opsyen Jaku English,” terang iya.

Terang Sagah, program nya deka dipejalai ngena mod bengkel ba selampur Sarawak nyengkaum Sri Aman, Serian, Betong, Miri, Sibu, Sarikei, Mukah, Kapit, Bintulu enggau Limbang mungkur urung 700 pengajar Sains, 700 pengajar Matematik enggau 166 pengajar ukai opsyen Jaku English.

“Bengkel nya deka dipejalai ba 25 renggat belabuh ari 3 September nyentuk 20 Oktober tu seraya bengkel Latih Jurulatih diperambu kena 9 ngagai 10 Oktober lalu CPD ungkup pengajar deka diatur belabuh 17 ngagai 20 Oktober,” terang iya.

Ungkup rikod, MEITD enggau IPGKTAR merambu ngatur program latih ungkup 1,700 pengajar ukai opsyen subjek Sains, Matematik enggau Jaku English belabuh bulan oktober tu nentuka pengajar ti dianjung ngajar ba menua tu udah nyikap diri.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU

Sarawak berada di depan transformasi digital

SEPANYOL: Sarawak berada di barisan hadapan dalam transformasi digital sekali gus memanfaatkan teknologi untuk memacu inovasi dan produktiviti merentasi pelbagai industri. Menurut Menteri Utiliti dan