ARTIKEL

NYUKUNG INISIATIF GADUNG… Awang Raduan (lima kiba) begambar ungkup kenang enggau bala bukai lebuh Program CSR Nanam Paung Kayu, Hari Enam tu tadi.

Program Labour Go Rural Area 5.0 nyendia peluang gawa terus ngagai komuniti menua ulu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MUKAH: Program Labour Go Rural Area 5.0 ti dipejalai Opis Pengereja Pengawa (JTK) Sarawak meseti dikena komuniti ba menua pesisir enggau manah.

Direktor JTK Sarawak, Awang Raduan Awang Omar madah, batang tuju program tu dikena meri servis terus JTK Sarawak sereta opis enggau ejensi di baruh Opis Menteri Pengereja Pengawa (KESUMA).

“Raban JTK Sarawak nemu enggau belematika penanggul ditapi peranak ba menua pesisir enggau menua ulu.

“Tu kelebih agi ngulihka servis sanding penemu ari ejensi perintah lalu nengah program tu ulih ngemuntang opis mai servis terus ngagai peranak lalu enda ibuh bejalai ke pasar,” terang iya.

Awang Raduan mansutka jaku nya lebuh bejadi Pengawa Nutup Program Labour Go Rural Area 5.0, di Balai Mayuh Guna Centexs, Hari Enam tu tadi.

Ngenang silik ku iya, program ti keterubah diatur di Mukahm ai servis terus ngagai komuniti ngambi majak ditemu.

Iya madah, nya meri penyedar enggau penemu ngagai mensia mayuh bekaul hak nyadi pengereja, peluang gawa enggau ngansah pengelandik teknikal ngagai raban ti begunaka bantu.

Iya mega ngarapka pengelantang pengereja pengawa peribit di Sarawak semampai dijaga nyengkaum pengelantang sereta kaul entara pengaji enggau pengereja.

Berebak enggau nya, Awang Raduan meri terima kasih ngagai penyereta ti udah datai pengelama empat hari di Bagi Menua tu lalu dipelaba manggai 1,000 pengusung ngerichah program tu.

Nangkan nya, Pemangku Pegawai Opis Pelilih Mukah, Peleadzman Ahip madah, program tu sebagi ari inisiatif JTK Sarawak mantaika servis ti disediaka perintah.

“Inisiatif JTK Sarawak ti mai servis terus ngagai peranak ba menua pesisir patut dikenang enggau dikena mensia mayuh enggau chukup manah.

“Sida ukai semina ngembing kami pasal servis ti disedia tang mega bekunsi atur undang-undang bekaul pengereja pengawa, licha enggau ke bukai,” terang iya.

Kelimpah ari nya, iya meri terima kasih ngagai JTK Sarawak laban milih Mukah nyadi endur ngatur program tu.

Pengudah pengawa nya, raban JTK Sarawak udah bejalaika Program Tanggungpengawa Sosial Korporat (CSR) iya nya pengawa nanam paung kayu di Taba Pengerami Kaul Mukah. — NUR FARIHAN RAZALI

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU