ARTIKEL

UNGKUP KENANG… Sagah (belakang, tengah), Shariman (belakang, empat kiba) sereta bela bukai begambar ungkup kenang enggau bala penyereta.

Program Matih Pelatih: Pemansang Penau ba Semikonduktor enggau Langkar Tengkebang Chip diterima manah

Facebook
Twitter
LinkedIn
WhatsApp
Telegram

KUCHING: Porgram Matih Pelatih: Pemansang Penau ba Semikonduktor enggau Langkar Tengkebang Chip nerima timbal manah ari bala penyereta.

Pekara nya dibantai Tuai Pegawai Eksekutif (CEO), Shariman Jamil rambau pengawa nutup program nya ba Muzium Budaya Borneo ditu, kemari.

Ungkup penerang, bisi 20 bala penyereta ngambi bagi ba program empat minggu ti berengkah dipejalai kena 8 Januari nya nyengkaum raban profesional, pengelicha enggau profesor ari bemacham palan pelajar tinggi.

Nya nyangkaum ari Universiti Swinburne, Universiti Curtin, Universiti Malaysia Sarawak (UNIMAS), Universiti Teknologi MARA (UiTM), Palan Penyulut Teknologi Sarawak (CENTEXS), Sarawak Skills sereta raban industri baka X-FAB, Melexis kelimpah Sarawak Microconductor Design (SMD) Semiconductor.

Modul latih ba program nya dikena nyikap penyereta ngena penemu, perengka enggau chara pemadu baru ngena kereban Otomasyen Langkar Tengkebang Elektronik (EDA) ari sinopsis ti nyadi pelasar besai ngagai pengawa langkar tengkebang.

Shariman madah, program nya diterima manah bala penyereta lalu sida ngaku gaya latih enggau modul dipelajar nemban bepelasar ke peminta dalam industri.

Iya madah, nengah program baka nya, bala penyereta deka disikap nyadi jurulatih ti ulih nyadi inpsirasyen sereta ngajar rebak dudi bekaul teknologi.

BERITA LAIN

BERITA TERBARU