Program Minggu Pengelikun enggau Pengerai mujur diatur PKAS

SRI AMAN: Sepenyampau 30 iku raban Opis Pengerai Bagi Menua Sri Aman ngulu Program Minggu Pengelikun enggau Pengerai diatur Unit Pengerai Kereja enggau Rampa Menua (KPAS) ditu, kemari.

Ba program nya, Opis Bomba enggau Penyah Penusah nengah Opis Bomba enggau Penyah Penusah (BBP) Sri Aman meri licha pasal tanggungpengawa Opis Bomba enggau Penyah Penusah Malaysia (JBPM).

BBP Sri Aman mega bisi meri licha senentang Atur Kunsi Begunan, Tanggungpengawa Komiti Pengelikun Penusah Angus (OKK) enggau chara ngena perengka pengerara api di begunan perintah.

Pengelicha program Pemesai Bomba Kanan (PBK) II Jilin Itar sereta disaup Pemesai Bomba (PB) Freddy John.

Pemantu Pemesai Pengerai Genturung Pendiau KPAS, Dayang Sofiana Binti Abang Saffian madahka Opis Pengerai Bagi Menua Sri Aman nyadi pengatur program.

Bisi mega ejensi bukai dikangau datai meri licha dikena ngisi program diatur sehari nyentuk, ku iya nambah.

“Tuju program tu dikena meri penyedar pasal pengelikun endur gawa sereta nemu tanggungpengawa ejensi kelimpah nyadi aktiviti ninting taun KPAS,” ku iya.

BEKUNSI PENEMU… Jilin Itar benung belicha rambau atur program Minggu Pengelikun enggau Pengerai Orang Gawa diatur KPAS di Sri Aman, kemari.

Suara Sarawak