ARTIKEL

Program ngangkat seni Sape nyapai tuju

Facebook
Twitter
LinkedIn
WhatsApp
Telegram

JULUK ngangkat program Sape ngagai tikas ti tinggi agi udah nyadi nyata enggau majak dikemujur.

Ku Direktor Program Ekspo Sape Serakup Anak Seni Sape Kuching (PUSAK) enggau Malam Panggau Seni PUSAK, Elizabeth Bungan, pengawa ti udah lama diperambu sida mujur diatur pengelama sehari nya.

Ku Elizabeth, iya berasai temegah enggau gaga laban ulih begulai enggau bala penebah sereta peminat kereban muzik Sape.

“Program ti udah lama diperambu kami mujur diatur enggau richah kelimpah nerima timbal ti chukup manah ari penebah enggau peminat Sape.

“Temegah endar ulih meri anugerah ngagai raban ti patut kelai basa enggau puji berindik ari pengeransing, pengekih enggau pengepuh sida ngetan seraya ngidupka agi kereban muzik asal Orang Ulu tu.

“Besai pengandal aku ngarap ke inisiatif PUSAK tu ngeringka agi ati sida nampung pejalai Sape.

“Aku mega deka rebak baru nitih singkang pejalai enggau pengawa ti udah dirandang kami ngelama tu begulai enggau sida ti udah lama ngidupka seni Sape,” ku juluk Elizabeth.

PERAMBU BUKAI

Nampung randau, Elizabeth madahka sida sebuat deka nampung program tu nyadi program ninting taun.

Ukai semina nya aja, sida mega merambu sereta ngiga peluang ngerembaika PUSAK ukai semina ba Kuching ditu aja tang mega ba selampur Sarawak.

“Enti bisi peluang enggau sukung, aku mega deka mai PUSAK ngagai luar Sarawak ngambi seni Sape tu majak dikerindu enggau dikelala dunya,” ku iya ti udah bejalaika bemacham inisiatif, program enggau bengkel mungkur serap umur dikena matak pengerindu mensia mayuh ba seni Sape tu.

Ku Elizabeth, Puji Tuhan pengawa sida seruran nerima sukung penuh ukai semina ari kaban PUSAK tang mega nerima sukung ari gerempung ukai dikuasa perintah (NGO) baka Serakup Seni Main Asal Orang Bengal Sarawak (SwDC).

Iya madah, pemanah sukung enggau kerejasama begulai raban SwDC ti sanggup datai ngagai pengawa sida nya chukup ngemantupka ati.

“Ejensi perintah mega meri sukung penuh sekali ke ari Perintah Besai enggau Perintah Sarawak baka Opis Menteri Dagang Temuai, Seni enggau Main Asal Malaysia (MOTAC) sereta Malaysian Technical Cooperation Programme (MTCP).

“Sida mega bisi datai ngagai pengawa kami kelimpah meri peransang nampung program ti chukup manah tu seraya ngerembai ke pengawa ngetan main asal kitai,” terang iya.

INISIATIF BARU

Nampung randau ke dalam agi, Elizabeth madah, raban PUSAK ukai semina narak mensia mayuh nengah program fizikal aja tang mega nengah media rama enggau pelasar digital baka ba televisyen ngambi ulih mungkur mensia ba luar Kuching enggau menua pesisir.

Nengah pekara tu ku Elizabeth, sida naka ulih berundingka inisiatif bukai ngambi mensia mayuh nemu program ti benung chakah dipejalai PUSAK.

“Ambi ke chunto, ngatur Pekit Sape ti dipanchar terus ba televisyen.

“Udah tu, kami deka ngaga dokumentari bekaul pengawa ngetan kereban muzik Sape.

“Kami mega deka ngaga tungkap sereta nyelak bup dikena belajar nebah Sape.

“Program besai diperambu diatur udah tu berindik ari pemujur program PUSAK udah tui la nya ngatur Konsert Sape ti ulih ngempung Borneo.

“Ke alai kami deka ngangau ke bala menyadi kitai di Indonesia ngambi ulih meransang sida sama ngembuan tuju negi enggau ngetan seni Sape tu.

“Ari konsert tu, semua penyukung enggau peminat kereban muzik ulih bekunsi buah penemu pasal Sape,” terang iya silik.

Elizabeth mega madah, sida deka ngatur Roadshow Sape lalu pengawa baka tu udah tentu begunaka kerejasama enggau sukung ari bemacham ejensi.

MECHAH RIKOD

Ngelansa pasal pejalai Elizabeth, iya siku ari pemerindang muzik Sape ditebah 250 penebah lebuh Citrawarna Keluarga Malaysia 2022 udah nurai rikod baru dalam Malaysia Book of Records (MBR).

Mulaika kenang, Elizabeth madah, kereban muzik asal Orang Ulu nya udah mujur ditebah penebah ari selampur Malaysia chara seretai pengelama lima minit ba Tebing Sungai Kuching.

“Tu mega kedua kali diuji kami ngambi nurai rikod MBR iya nya nebah Sape bebala mayuh ke alai taun 2022, penyampau penebah Sape nambah ari 250 iku dibanding 207 lebuh keterubah nurai rikod nya ba Miri dalam taun 2017.

“Semua penebah ari bemacham raban bansa enggau etnik bekunsi minat enggau panggau pasal seni Sape sereta deka ngangkat seni muzik asal Sarawak nya,” terang iya pandak.

Anak Sarawak penakan Kenyah Beketan nya ngepunka pejalai nyadi penebah Sape profesional kenyau ari taun 2016 pengudah merindang ba Pengerami Muzik Kampung Ujan Dunya (RWMF).

Iya mega majak dikelala dunya pengudah suah mantaika video nebah Sape nengah media rama.

Kelimpah ari nya, iya mega suah dikangau merindang ba pengerami besai seraya kala nebah Sape begulai enggau dua ikon Sape Sarawak, Jerry Kamit enggau Alena Murang.

PANGGAU ANTARABANSA… Elizabeth nyadi pengari Malaysia nebah Sape lebuh China-Nanning Concert.
NGAJAR… Kelimpah nebah Sape, Elizabeth mega nyadi pengajar Sape ungkup serap umur.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Selesai perbalahan tanpa kekerasan

KUCHING: “Saya kehilangan sahabat baik, mentor, pembimbing dan insan yang menjadi inspirasi selepas pemergian bekas Yang di-Pertua Negeri Tun Abdul Taib Mahmud,” demikian kata Tan

87 das tembakan meriam diiringi titisan hujan

KUCHING: Berduka dengan pemergian tokoh signifikan ternama, bumi Sarawak seakanakan turut menangis apabila hujan turun semasa jenazah bekas Yang di-Pertua Negeri Tun Pehin Sri Abdul

Polis berkas suspek terlibat 20 kes samun

IPOH: Polis memberkas seorang individu yang disyaki aktif menjalankan kegiatan menyamun pelanggan di premis mesin pengeluaran wang automatik (ATM) sekali gus berjaya menyelesaikan 20 kes samun