ARTIKEL

MANDUK… Michael Tiang (kanan) nyendiaka bubur lambuk.

Program nyadung bubur lambuk ngerapit kaul enggau pangan diri

Facebook
Twitter
LinkedIn
WhatsApp
Telegram

SIBU: Program nyadung bubur lambuk ba bulan Ramadan nya nyadi pelasar ngerapit kaul penyerakup.

Sapit Menteri Pengerai Mensia Mayuh, Pengawa Berumah enggau Perintah Lokal, Datuk Michael Tiang Ming Tee madah, program baka nya suah ngaul pupu bansa ti begulai manduk bubur lambuk sebedau disadung.

Ku iya agi, program baka nya siti pelasar ti chukup manah negapka agi kaul penyerakup kelebih agi ba komuniti menua tu.

“Diatu, program nya udah dipasuk pupu bansa ti begulai manduk bubur lambuk.

“Pengawa baka tu chukup manah lalu endang diperansang kelebih agi mungkur pupu bansa,” ku iya ba Program Nyadung Bubur Lambuk diatur Gerempung Nembiak Nasional Beserakup Sarawak (SABERKAS) Pampang Pelawan, lemai ensanus.

Michael Tiang ke mega Chairman SABERKAS Pampang Pelawan ngelalu sida ti ukai pengarap Islam begulai nyendia enggau nyadung bubur lambuk ngagai sida ti bepuasa dikena negutka agi kaul penyerakup pupu bansa.

Ambi ke chunto, ku iya, taja mayuh raban SABERKAS Pampang Pelawan nya ari komuniti China, tang mayuh raban sida ngambi bagi ba program baka nya begulai enggau bakih Muslim ke bukai.

Nya kebuah, Kaban Kunsil Nengeri (ADUN) Pelawan nya madah, program nya meri besai reti enggau meransang serap komuniti ngaul diri.

Ngenang program nya, Michael Tiang madahka nya diatur SABERKAS Pampang Pelawan ti mega nerima kerejasama ari raban polis enggau bomba.

“Kami nyendiaka 1,000 tungkus bubur lambuk ngambi disadung ngagai penguna jalai alun ba Jalai Universiti tu.

“Tuju program tu diatur dikena ngerapit kaul entara raban bansa di menua tu,” terang iya baru.

Michael Tiang mega madah, program sekali tu nerima mayuh sukung enggau penyereta ari nembiak universiti nyengkaum nembiak Universiti Teknologi Sarawak (UTS) ti ngambi bagi ba program keterubah diatur tu.

Sama datai Tuai Opis Bomba enggau Penyah Penusah Malaysia (JBPM) Zon 4 Sibu, Andy Alie.

DISADUNG… Michael Tiang nyadung bubur lambuk ngagai mensia mayuh.

BERITA LAIN

BERITA TERBARU

PBB China sokong Palestin anggotai PBB

BEIJING: China menyokong Palestin menjadi anggota baharu Pertubuhan Bangsa-Bangsa Bersatu (PBB) dan menyokong Majlis Keselamatan PBB (UNSC) mengambil tindakan berkenaan dengan secepat mungkin. Ini dinyatakan