Program Save 2.0 nyaup ngurang bil karan

KUCHING: Program Ngelimat Karan Enggau Meruan 2.0 tauka Save 2.0 meransang penguna matih diri bekelimat ngena bekal kuasa karan.

Sapit Menteri Pengeluar Kuasa enggau Pengeraja Asal, Datuk Ali Biju madahka opis menteri sida bejalaika kimpin meli kereban ti enda rua ngena kuasa karan nengah program nya.

Ku iya, Save 2.0 udah dikemendar ba Bajet Nasional 2021 enggau agih belanja RM30 juta ke alai e-rebat RM200 diberi ngagai tuai bilik ti meli irkon tauka peti ais.

“Bala penguna diperansang meli kereban elektronik ti diberi rating empat tauka lima bintang ari Komiti Pengeluar Kuasa Malaysia.

“Batang tuju program tu endang mai sida nelebaka diri ngena kereban bisi kualiti tang enda rua ngena karan lalu nyaup perintah ngelimat bekal kuasa karan kelimpah ngurangka bil karan,” ku iya.

Ali dipebasa nibarka sadang penemu nya lebuh ngepunka program randau diatur nyerumba BBMC Energy Outlook 2021 di Kuala Lumpur, apin lama ke udah.

Iya madah, program Save 2.0 nya nipakka rambai jaku taun tu Charting a New Path Towards Sustainability, opis menteri sida deka marit penguna bela sedarka pemesai reti enggau empas ari pengawa ngelimat kuasa nya.

Berita penuh Ruai 5 pagila.

Suara Sarawak