ARTIKEL

Program vaksinasyen ngemantup ati Kepala Menteri

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KAPIT: Sarawak ulih nyapai imuniti beraban tengan bulan tu tauka September bepelasarka peratus meri vaksin naka diatu, ku Kepala Menteri Datuk Patinggi Abang Johari Tun Openg.

Lebuh bejaku ngagai peranak ba Long Singut di sebuah genturung pendiau raban bansa Kenyah semak adan menua entara Sarawak enggau Kalimantan di Hulu Baleh, iya andalka Sarawak deka nyapai tagit nya nengah kerejasama semua nyengkaum raban soldadu enggau sukung rayat ba program meri vaksin di menua tu.

Abang Johari tepantup ati enggau pemujur semua program meri vaksin di Sarawak ti nyapai peratus lebih ari nengeri bukai.

Nitihka statistik program meri vaksin ba Bagi Menua Kapit, iya madahka bagi menua tu lebih ari tagit 80 peratus lebuh ngerikod 84 peratus peranak ke udah nerima dua dos vaksin Covid-19.

“Tu mandangka program mujur ba bagi menua tu taja mayuh penanggul ba Kapit ari sukut gaya rampa menua enggau peranak ke diau ngachir,” terang iya.

Program meri vaksin ba genturung pendiau nya dipejalai raban soldadu enggau kerejasama semua kelebih agi opis pelilih Kapit.

Abang Johari disempulang bala pegawai Perintah Sarawak enggau Perintah Besai udah ngatur pejalai ngabas program meri vaksin ngagai 178 iku penerima ba palan pengentap pendiau nya.

Sama datai Sapit Kepala Menteri, Tan Sri James Jemut Masing, Menteri Kaunsil Kandang Menua enggau Pengawa Berumah, Datuk Seri Sim Kui Hian, Sekretari Perintah Sarawak, Datuk Amar Jaul Samion, Kaban Parlimen Hulu Rajang, Datuk Wilson Ugak Kumbong enggau Panglima Medan Timur, Lt.Jen. Dato Mardzuki Muhammad.

Dulu ari nya, Abang Johari udah mendingka penerang bekaul pemansang ba genturung pendiau nya nyengkaum isu bekaul infrastruktur, pendiau peranak enggau program meri vaksin.

Iya mega udah ngemendarka agih belanja ngaga jalai simen, gerija enggau balai ungkup genturung pendiau nya.

BEJAKU… Abang Johari bejaku ba pengawa meri vaksin di Long Singut, Kapit ditu kemari.

BERITA LAIN

Mayuh bantu ngubah pengidup rayat

DEBAK: Bemacham bansa bantu diberi perintah dikena ngubah enggau nyaga pengelantang rayat. Sapit Premier Sarawak, Datuk Amar Douglas Uggah Embas madah, nya nentuka rayat bulih

Gaji niki nipakka inflasyen

KUCHING: Perintah Besai dipinta nyemela pengawa nikika gaji nipakka tikas inflasyen ngambi pekara tu enda meri empas ngagai rega barang niki ti ngasuh atur nikika

BERITA TERBARU