Projek 37 sekula repuk berengkah dipejalai

KUCHING: Sepenyampau 37 sekula repuk di Sarawak deka diseleti ba renggat keterubah ngena agih belanja RM1 bilion.

Nitihka penerang ari Opis Kepala Menteri kemari, Kepala Menteri Abang Johari Tun Openg nerima penerang ari Komiti Teknikal pasal Pejalai Pengawa Nyeleti Sekula Repuk.

Komiti Teknikal tu diketuai begulai Ketuai Direktor Kereja Raya enggau Direktor Kereja Raya Nengeri datai ari Sekretari Pemansang Bagi Menua, Opis Menteri Pelajar Perintah Besai, Sekretari Mendam Opis Menteri Pelajar, Pansik Sains enggau Teknologi Sarawak, Sekretari Pekara Wang Nengeri enggau Direktor Pelajar Nengeri Sarawak.

komiti mega diarika bala pengari ari Opis Kereja Raya (JKR) Malaysia enggau JKR Sarawak empu sereta raban Unit Nyemela Atur Pengawa (ICU).

Perintah Sarawak mantaika rintai nama sekula nengah Opis Pelajar ditu nitihka pematut.

Abang Johari mega madahka projek ngemansangka baru sekula deka seruran dipejalai nyentuk ujung bulan Disember taun tu.