Projek infrastruktur ungkup sitak Saratok dikerandau enggau Menteri Utiliti Sarawak

KUCHING: Sapit Menteri Pengeluar Kuasa enggau Pengeraja Asal, Datuk Ali Biju udah ngatur pejalai nemuai meri basa ngagai Menteri Utiliti Sarawak, Datuk Sri Stephen Rundi Utom.

Ali ke mega Kaban Parlimen Saratok madahka tuju penemuai sida sebuat berandauka pasal gaya pejalai projek pemansang dipejalai opis menteri dikuasa Rundi ungkup sitak Parlimen Saratok.

“Entara pekara bisi dikerandau bala kami ba penemuai tu bekaul projek infrastruktur pemun baka bekal ai beresi enggau kuasa karan ke benung dikemansang ba Saratok din.

“Randau tu beguna amat laban kitai deka nemu baka ni gaya pejalai projek nya ngambi ulih dikunsi enggau bala rayat,” ku iya lebuh dirandau Suara Sarawak rambau pejalai sida ngagai Opis Rundi ba LCDA Tower, Pending ditu, pagi kemari.
Ali madah, pejalai sida sebuat nya kira ke mujur nyapai tuju lalu iya ngarapka randau nya ulih nerenak pemereti ati enggau kerejasama pulaika pemaik begulai.

Berita penuh Ruai 7 pagila

Suara Sarawak