ARTIKEL

Projek Jalai Pasi – Tanjung Manis udah disambung baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SARIKEI: Projek Jalai Pasi ngagai Tanjung Manis diatu benung ranchak dipejalai taja ditangguh sepengelama setaun ketegal pandemik Covid -19.

Menteri Muda Perambu Mengeri, Pengatur Tanah enggau Rampa Menua, Datuk Len Talif Salleh madah, projek besai beungkus lebih RM320 juta nya disadang tembu penuh ba taun 2023.

Ku iya, projek nya napi mayuh penanggul nyengkaum suntuk pengereja enggau bekal barang diguna ngujungka ungkus projek nambah kenyau ari pengerekai Covid-19.

“Nitihka perambu asal, projek tu disadang tembu ba timpuh empat taun tang ditangguh manggai setaun pengudah kitai napi pandemik.

“Taja pia, kitai ngadang projek tu deka tembu ba taun 2023, sebedau ujung taun 2023.

“Penembu jalai tu ila deka ngemuntangka pejalai peranak enggau pedagang ngelakuka produk betanam betupi enggau servis ari Tanjung Manis ngagai pelilih bukai baka di Sibu, Kuching, Sri Aman, Bintulu enggau Miri,” terang iya.

Len Talif mansutka ngagai pemberita pengudah mendingka taklimat projek nya di Palan Inovasyen Sarikei (SIC), ditu kemari.

Projek nya mungkur ngaga jalai di sitak Sungai Pasi Meradong nuju Tanjung Manis penyauh 17 kilometer (km) enggau ngaga sebuah jematan sepanjai 1.2 km.

“Diatu, enti peranak Sarikei deka ngagai Tanjung Manis, sida nyau betengahka jalai lebih dua jam iya nya nengah Sibu sebedau nuju Tanjung Manis.

“Taja pia, penembu jalai tu ila deka nentuka timpuh pejalai ari Sarikei ngagai Tanjung Manis deka pandak agi.

“Pandemik mega ngujungka projek bukai ditangguh tang diatu udah dipejalai baru nyengkaum Pan Borneo di Seksyen Sebangkoi enggau Sarikei.

“Kami ngarapka raban bekaul deka ngerumban perambu nentuka projek nya tembu nitihka timpuh ke udah ditetap,” terang iya baru.

Taklimat pengelama lebih dua jam nya digulu Tuai Komuniti enggau Tuai Raban Bansa (KMKK) ngambi meri penerang pasal status pemadu baru projek infrastruktur ti dipejalaika perintah ba sitak Sarikei.

Len Talif ke mega Adun Kuala Rajang madah, projek jalai tebing tasik ke benung dipejalai diatu nyadi jalai penyambung ke ulih mai ubah ngagai pemansang menua enggau ekonomi rama rayat Sarawak.

Nya kebuah ku iya, pengawa nyendiaka projek nya nunjukka pengeransing perintah nyendiaka infrastruktur pemadu manah ngagai rayat.

“Infrastruktur ti disediaka tu nyadi penyambung Projek Jalai Besai Pan Borneo ke diatu benung chakah dipejalai berengkah ari selatan iya nya Lundu ngagai utara Sarawak,” ku iya madah.

Sama datai Residen Sarikei, Felicia Tan Ya Hua, Sapit Residen Sarikei, Abang Porkan Budiman, Pegawai Pelilih Sarikei, Christopher Ranggau, Injinir Opis Kereja Raya (JKR) Bagi Menua Sarikei, Toh Chee Leong enggau Kaunsilor Wong Zee Yeng ngarika Adun Repok, Dato’ Sri Huang Tiong Sii.

BERITA LAIN

BERITA TERBARU

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup