ARTIKEL

NGABAS PROJEK… Aidel enggau Len Talif sereta bala bukai ngabas taba projek jalai muntang Sarikei ke Tanjung Manis, ditu tadi.

Projek jalai Sarikei ke Tanjung Manis disadang tembu Mei 2025

Facebook
Twitter
LinkedIn
WhatsApp
Telegram

SARIKEI: Pejalai projek jalai muntang Sarikei ke Tanjung Manis diatu udah tembu 86 peratus lalu disadang tembu penuh Mei 2025.

Projek ti beungkus RM321 juta nya mungkur ngaga sebuah jematan meraka Batang Rajang kelimpah jalai alun sepanjai 17 kilometer nyambung Sarikei, Pasi enggau Tanjung Manis.

Ku Sapit Menteri Infrastruktur enggau Pemansang Penyangkai Kapal Sarawak, Datuk Aidel Lariwoo, projek nya lanchar taja napi sekeda penanggul mit.

“Naka diatu, pejalai projek nya udah tembu 86 peratus dibanding 84 peratus ari taga asal, reti iya dulu tembu dua peratus.

“Tang lebuh beratika pemanah kereja kunteriktor, kitai melaba sida ulih nembuka projek tu tumu agi.

“Sida mega madahka pengawa ngaga span (rentang) kepenudi jematan disadang tembu September tu,” ku iya lebuh ngabas taba projek nya, ditu tadi.

Aidel madah, naka diatu peranak Sarikei ti deka ngaga Tanjung Manis nyau ngerenchah jalai darat lebih dua jam nengah Sibu.

Taja pia ku iya, penemu jalai baru ti disediaka Perintah Sarawak nya deka ngemandakka timpuh pejalai semina 45 minit.

BERITA LAIN

BERITA TERBARU

Sampah plastik cemar lautan

KETIKA manusia membuang sampah plastik di taman atau pantai, jalan raya, aliran air – aktiviti alam membawa cebisan plastik itu melalui longkang ke sungai untuk