ARTIKEL

Projek Jematan Batang Paloh tembu ujung taun baru

Facebook
Twitter
LinkedIn
WhatsApp
Telegram

DARO: Kaban Parlimen Tanjong Manis, Ir Yusuf Abdul Wahab madahka projek ngaga Jematan Batang Paloh disadang tembu penuh ba ujung taun baru lalu nya beguna amat nyadi penyambung entara rayat dia.

Iya madah, pengawa ngaga infrastruktur nya deka meri pemaik ngagai peranak dia ti tebal agi sida endang orang bekebun enggau orang berikan dikena nyual produk sida ngagai mengeri.

Nya alai, iya ngelalau raban kunteriktor enggau raban bekaul seruran bejalaika pengawa matau ngagai projek nya ngambi enda napi penanggul laun.

“Projek tu endang udah lama dianti rayat ba sitak Tanjong Manis sereta nyadi ejen besai mai ubah ngagai landskap pemansang ba sitak tu,” ku iya.

Yusuf mansutka jaku nya rambau ngulu pekit nginti ba Kampung Penibong Pulau Bruit ditu, sehari tu.

Iya ti mega Chairman Kaunsil Pemansang Industri Pengawa Berumah Malaysia (CIDB) ngarap komuniti orang bekebun ba Pulau Bruit nyikap diri nerima pemaik enti jematan nya udah tembu ila.

Ku iya, perintah ngembuan juluk deka negapka agi sektor betanam betupi enggau berikan ba Delta Rajang nengah pengawa nyendia infrastruktur dikena meri pemaik ngagai pengawa mansutka asil sektor nya.

“Pulau Bruit kebendar ngembuan pengulih nyadi tibang produk pemakai dikena ngemansangka industri pengelikun pemakai.

“Nya alai, Jematan Batang Paloh nyadi sebagi ari inisiatif besai dikena ngamat juluk nya ti nyambung rayat ba sitak menua pesisir,” ku iya.

LAIN-LAIN BERITA

Bakih strategik KGC deka ditambah

SARIKEI: Opis Menteri Pemansang Indu, Nembiak Mit enggau Pengelantang Komuniti Sarawak (KPWK) benung chakah ngatur pengawa sida ngambi mayuh agi premis nerima Kenyalang Gold Card

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

BERITA TERBARU