BINTULU: Projek ngaga jalai baru Tatau-Kuala Tatau urung 6.75 kilometer (km) pemanjai udah datai ba tikas 73.62 peratus tembu.
Sapit Premier Sarawak Datuk Amar Douglas Uggah Embas mada, renggat keterubah projek nya benung chakah dipejalai lalu disadang tembu ujung bulan Disember taun tu.
“Projek jalai baru Tatau ke Kuala Tatau tu deka meri empas besai ngagai ekonomi peranak ditu maya projek tembu ila.
“Mayuh dandang tanah deka ulih diperimba ungkup pengawa betanam betupi.
“Kelimpah ari nya, takah pejalai ari Kuala Tatau ngagai Pasar Tatau mega deka semak agi,” ku iya.
Menteri Insfratruktur enggau Pemansang Palan Penyangkai Kapal mansutka jaku nya lebuh bejalai ngabas taba enggau pejalai projek kena Hari Lima nyin tadi.
Berebak enggau nya, Uggah nangkan raban kunteriktor ulih nembuka projek nya nitihka timpuh ti udah ditetap.
Sama datai Sapit Direktor (Infrastruktur) TS. Cassidy Morris, Menijar Wilayah Utara Pejabat Wilayah Opis Kereja Raya (JKR) Ir.Teo Nguong Leong enggau Injinjir Unit JKR Bintulu Ir. Lau Pit Hwa.
