ARTIKEL

ABDUL KARIM RAHMAN HAMZAH

Projek ngaga trek lumba ensikal BMX Bukit Siol patut dirumban

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa ngaga trek lumba ensikal BMX ti baru ba Bukit Siol patut dirumban ke pemaik bala atlit nengeri ti ngambi bagi ba Lumba Malaysia (SUKMA) 2024 ulih belatih dia.

Menteri Nembiak, Lumba enggau Pemansang Orang Dagang, Datuk Seri Abdul Karim Rahman Hamzah madah, raban kunteriktor patut nentu pengawa sida ngaga palan nya dirumban.

Iya madah, pekara nya dikena meri ruang enggau peluang ngagai bala atlit SUKMA Sarawak ulih ngena trek nya dikena belatih.

“Enti trek tu ulih dikena, bala atlit ulih nelebaka diri enggau trek nya kelimpah meri pemaik ngagai kontinjen Sarawak ti nyadi tuai rumah ngatur SUKMA 2024.

“Kitai patut ngena peluang tu nyapai penyulut besai ba lumba tu ti deka diatur enda lama da agi,” ku iya.

Karim mansutka jaku nya rambau aum pemberita Pekit Ngayuh Ensikal Bukit Antarabansa Siol (SIMBC) 2024 ba Begunan Baitulmakmur II ditu, kemari.

Nangkan nya, ku iya, Dewan Bandaraya Kuching Utara (DBKU) bisi nambah kategori baru ba SUMBC 2024 ti deka diatur kena 21 nyentuk 23 June tu.

Iya madah, kategori nya baka Cross-Country Olympic Malaysia Closed enggau DwonHill Event Malaysia Closes kelebih agi ungkup bala atlit ti deka ngambi bagi ba SUKMA ti deka datai.

“Pengawa nambah kategori tu deka meri peluang ngagai bala atlit ba selampur Malaysia nyikap diri napi pekit sebaka dudi hari,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU