ARTIKEL

Uggah (bediri empat kiba) merati pengawa nyain kontrak projek ngenalam Kuala Baram enggau projek bekaul ba Delta Baram ditu sehari tu. - Foto: UKAS

Projek ngenalam Kuala Baram meransang industri kapal di utara Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Projek ngenalam Kuala Baram ti udah berengkah sehari tu deka meransang pemansang industri kapal tunga ke utara Sarawak.

Sapit Premier Sarawak, Datuk Amar Douglas Uggah Embas, madah penembu projek nya ila deka ngemuntangka kapal ari menua tu tauka ari menua bukai sangkai ba Penyangkai Kapal Miri.

“Aku melabaka Kuala Baram ulih nyadi penyangkai kapal endur semua bansa kargo sangkai nyengkaum kapal bukai.

“Tu bela deka meransang pemansang sektor ekonomi bukai baka sektor ngaga enggau ngadu kapal sereta ke bukai,” ku iya.

Iya madahka pekara nya maya pengawa nyain kontrak projek ngenalam enggau projek bekaul ba Delta Baram ditu sehari tu.

Uggah, ke mega Menteri Infrastruktur enggau Pemansang Penyangkai Kapal Sarawak, madah kelimpah meda Kuala Baram ulih nyadi penyangkai kapal, projek nya bela disadang deka mai pemaik ngagai Penyangkai Kapal Miri.

“Penyangkai Kapal Miri semampai nyaup pengerembai ekonomi nengeri tu seraya meri ‘spin off’ ekonomi ngagai logistik enggau dagang, gudang sereta ke bukai.

“Projek tu mega bela deka meransang pemansang pemeranak puku ba utara nengeri tu nyerumba juluk ari Premier Sarawak nempa Sarawak Maju Mansang,” ku iya baru.

Projek nya ditaga digaga dalam timpuh 33 bulan ari diatu lalu disadang tembu bulan Mac 2027.

Taja pia, Uggah ngarap projek nya ulih tembu tumu, iya nya dalam kandang timpuh 24 bulan.

Bela datai maya nya Menteri Pengangkut Sarawak, Datuk Seri Lee Kim Shin, Sapit Menteri Dagang Temuai, Industri Kreatif enggau Seni Pemerindang Sarawak, Datuk Sebastian Ting Chiew Yew, Sapit Menteri Pemansang Raban Indu, Nembiak Mit enggau Pengelantang Komuniti, Datuk Rosey Yunus, Chairman Penyangkai Kapal Miri, Datuk Paulus Palu Gumbang, Direktor Opis Kereja Raya (JKR) Sarawak, Ir Dr Cassidy Morris, sereta pemesai ke bukai.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP