ARTIKEL

Projek Pan Borneo Renggat Keterubah nyau deka tembu 80 peratus

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Renggat keterubah Projek Jalai Raya Pan Borneo diatu nyau deka semak 80 peratus tembu.

Menteri Kanan Kereja Raya Datuk Seri Fadillah Yusof madahka projek di jalai Serian ke Pantu naka diatu udah semak 99 peratus tembu.

“Minggu baru aku enggau Kepala Menteri Datuk Patinggi Tan Sri Abang Johari Tun Openg deka ngelancharka siti agi pakej jalai Pan Borneo di Julau.

“Nyema nadai penanggul ‘inshaAllah’ kitai deka ngaga program nyerahka projek nya ngagai raban bekaul,” ku iya.

Fadillah bejaku munyi nya lebuh aum media rambau Program Libat Urus Datuk Seri Fadillah Yusof begulai Media Sarawak di sebuah hotel ditu, kemari.

Ku iya, jalai Pan Borneo di palan bukai nitihka perambu deka tembu ba ujung taun 2023 tang nya bedau nyengkaum penanggul nyata ti ditapi baka bekal projek, pandemik Covid-19 enggau ke bukai.

“Engka projek bisi ngelui ari taun 2023 tauka pun taun 2024.

“Nyema nitihka taga ti digaga baru aku ngasaika udah nadai penanggul agi,” ku iya.

Ngelansa tikas pengelaju nengah jalai Pan Borneo, Kaban Parlimen Petra Jaya nya madahka ungkup diatu tikas pengelaju agi ditatak naka 90 kilometer sejam.

“Lebuh udah tembu ila, aku ngasaika 90 kilometer nya biasa laban jalai bisi dua arung.

“Tang pekara tu deka dipeda baru awakka diatur manah, pemadu tinggi pan ditatak naka 100 kilometer sejam.

“Nganti berunding enggau Opis Menteri Perengka Pengangkut enggau Opis Perengka Pengangkut Darat (JPJ) sebedau ngaga pemutus,” ku iya.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)