Projek rumah begunaka kerejasama Perintah S’wak

LIMBANG: Perintah Besai Pakatan Harapan (PH) merambu ngaga abis nadai 100,000 unit rumah ulih dibeli selampur Malaysia nyengkaum Sarawak.

Senator Alan Ling madah, Sarawak entara nengeri ti deka nerima pemaik ari inisiatif tu tang napi penanggul bekaul tanah ngujungka iya mar dipejalai.

Ku Alan, pengawa nya begunaka setuju ari Perintah Sarawak sebedau projek berumah ulih dipejalai nitihka perambu.

“Kitai napi penanggul pasal tanah bejalaika inisiatif tu ba Sarawak laban ngaul kerejasama ari Perintah Sarawak.

“Kami bisi berandau enggau Perintah Sarawak meri tanah endur kami ngaga rumah ulih dibeli di baruh Opis Menteri Kaunsil Kandang Menua enggau Pengawa Berumah,” terang iya.

Iya mansutka jaku nya ngagai pemberita lebuh ngabang Taun Baru China ngagai rumah Presiden Gerempung China Bagi Menua Limbang, Datuk Wong King Hoong, ditu tadi.

Suara Sarawak