Prosiding undang-undang narit apil Petronas dilanjar ngagai 3 Ogos

KUCHING: Akim Kort Apil Putrajaya seharitu netapka pemutus ngelanjarka prosiding undang-undang narit apil Petronas Petronas beka pemutus Kort Tinggi Kuching ke digaga tiga bulan ke udah.

Pemutus digaga tiga akim iya nya Datuk Seri Wira Kamaludin Md Said, Ravinthran Paramaguru enggau Datuk Abu Bakar Jais lebuh netapka 3 Ogos tu mendingka baru kes nya.

Ba apil nya, Petronas minta Perintah Sarawak narit pulai lima peratus Chukai Jual (SST) ngagai sida ungkup taun 2019.

Taja pia, di baruh Perintah Besai ke baru ti diketuaika Perikatan Nasional (PN), Petronas setuju narit apil pemutus Kort Tinggi Kuching lalu sedia mayar SST 2019 penyampau RM2.8 bilion.

Kort Tinggi Kuching ngasuh Petronas mayar SST 2019 bepelasarka hak Sarawak di baruh Konstitusyen Perintah Besai, Sempekat Malaysia 1963 (MA63) enggau Ripot Komiti Entara-Perintah (IGC) 1963.

Suara Sarawak